என் பெயரில் பேஸ்புக், ட்விட்டர் கிடையாது! - ராகவா லாரன்ஸ் எச்சரிக்கை

எனது பெயரில் பேஸ்புக், ட்விட்டர் கணக்குகள் எதுவும் கிடையாது. எனவே அது மாதிரி எது எதில் எந்த செய்தி வந்தாலும் நம்பாதீர்கள் என்று இயக்குனரும் நடிகருமான ராகவா லாரன்ஸ் கூறியுள்ளார்.

இதுகுறித்து மேலும் அவர் கூறுகையில், "எனது படத்தில் நஸ்ரியா கதாநாயகியாக நடிக்கிறார் என்று நானே ட்விட் செய்த மாதிரி நேற்று சோஷியல் மீடியாவில் செய்தி பரப்பியுள்ளனர்.

எனது பெயரில் போலியாக ட்விட்டர் கணக்கு துவக்கப் பட்டு பொய்யான செய்திகளை பரப்பி வருகிறார்கள்.

நான் பேஸ்புக், ட்விட்டர் எதையும் உபயோகப் படுத்த வில்லை. மேற்கொண்டு இது மாதிரி தொடருமானால் சட்டப்படி நடவடிக்கை எடுக்கப் படும்," என்று ராகவா லாரன்ஸ் எச்சரித்துள்ளார்.

பேஸ்புக்கில் மட்டும் ராகவா லாரன்ஸ் பெயரில் ஆறு அக்கவுண்டுகள் உள்ளன என்பது குறிப்பித்தக்கது.