இந்த தீபாவளிக்கு கமல்- அஜீத் மோதல்?

இந்த தீபாவளிக்கு தமிழ் சினிமா பாக்ஸ் ஆபீசில் கடும் போட்டி இருக்கும் போலிருக்கிறது.

சத்தமில்லாமல் தூங்காவனம் படத்தை சீக்கிரமே முடித்துவிட்ட கமல் ஹாஸன், அதை தீபாவளிக்கு வெளியிடத் திட்டமிட்டு வேலைப் பார்த்து வருகிறார்.

இதே தேதியில் சிவா இயக்கத்தில் அஜீத் நடித்து வரும் படத்தை வெளியிடப் போவதாக தயாரிப்பாளர் ஏ எம் ரத்னம் அறிவித்திருந்ததை நேற்றே வெளியிட்டிருந்தோம்.

இரண்டுமே பெரிய நடிகர்களின் படங்கள். குறைந்தது 400 அரங்குகளாவது கேட்பார்கள். இதுதான் இப்போதுள்ள சிக்கலே.

இரண்டு படங்களுக்கும் சேர்த்து 800 அரங்குகளை ஒதுக்குவது இப்போதைய சூழலில் கடினம் என்கிறார்கள்.

கமல் ஹாஸன் படத்தைப் பொருத்தவரை அடுத்த மாதமே அனைத்துப் பணிகளும் முடிந்து, படம் தயாராகிவிடும். ஆனால் அஜீத் படம் இன்னும் 30 சதவீதம் ஷூட்டிங் பாக்கியுள்ளது.

எனவே அஜீத் படம் வருகிறதோ இல்லையோ.. கமல் படம் தீபாவளிக்கு நிச்சயம் என்பதுதான் இப்போதைய நிலவரம் என்கிறார்கள்.