வாஹே குரு, என் படம் ஹிட்டாகணும்: பொற்கோவிலில் மாதவன் பிரார்த்தனை

மும்பை: தான் நடித்துள்ள இந்தி படமான தனு வெட்ஸ் மனு ரிட்டர்ன்ஸ் வெற்றி பெற வேண்டி மாதவன் பொற்கோவிலில் பிரார்த்தனை செய்தார்.

மாதவன், கங்கனா ரனாவத் நடித்த தனு வெட்ஸ் மனு படம் ஹிட்டானது. இதையடுத்து இயக்குனர் ஆனந்த் எல் ராய் மாதவன், கங்கனாவை வைத்து தனு வெட்ஸ் மனு படத்தின் இரண்டாம் பாகத்தை இயக்கியுள்ளார்.

தனு வெட்ஸ் மனு ரிட்டர்ன்ஸ் என்று பெயரிடப்பட்டுள்ள இந்த படத்தில் கங்கனா அடக்கமான பெண்ணாகவும், தில்லான பெண்ணாகவும் 2 வேடங்களில் நடித்துள்ளார். படத்தின் விளம்பர வேலலையை துவங்கும் முன்பு மாதவன் பஞ்சாப் மாநிலம் அமிர்தசரஸில் உள்ள பொற்கோவிலுக்கு சென்றார்.

தன்னுடைய படம் வெற்றியடைய வேண்டும் என்று மாதவன் பிரார்த்தனை செய்தார். மாதவன் இறுதிச் சுற்று படத்தில் நடித்து முடித்துள்ளார். அவர் நடித்திருக்கும் சாலா கடூஸ் இந்தி படம் ரிலீஸுக்கு தயாராகி வருகிறது.

கங்கனா ரனாவத் 2 தேசிய விருது வாங்கிய நடிகை என்பது குறிப்பிடத்தக்கது.