குரு சிஷ்யன் போல முழு நீள நகைச்சுவைப் படத்தில் நடிக்கிறார் ரஜினி?

ரஜினியின் அடுத்த படம் யாருக்கு... அடுத்து அவர் நடிக்கப் போவது ஆக்ஷன் படமா? காமெடிப் படமா என்றெல்லா்ம் விவாதங்கள் ஓடிக் கொண்டிருக்கின்றன.

ஆனால் சூப்பர் ஸ்டாரோ அமைதியாக, கிரேசி மோகனைச் சந்தித்து காமெடியாக ஒரு கதை தயார் பண்ணுங்கள் என்று கூறியிருப்பதாக கோலிவுட்டில் பரபரப்பு பேச்சு கிளம்பியுள்ளது.

‘தில்லுமுல்லு', ‘தம்பிக்கு எந்த ஊரு', ‘குரு சிஷ்யன்', சந்திரமுகி உள்ளிட்ட படங்கள் ரஜினியை அனைத்து தரப்பினரிடமும் கொண்டு போயின . குறிப்பாக குழந்தைகள்.

சமீபத்திய அவரது படங்கள் அனைத்தும் ‘சீரியஸ் டைப் படங்களாகவே அமைந்தன. ‘சிவாஜி', ‘எந்திரன்', ‘கோச்சடையான்', ‘லிங்கா' போன்ற வகை கதைகளைத் தவிர்த்து, முழுக்க முழுக்க காமெடியாக இந்தக் கதை அமைய வேண்டும் என்பது ரஜினியின் விருப்பமாம்.

கமலின் ஆஸ்தான எழுத்தாளர் என்றாலும், ரஜினிக்குப் புதியவரல்ல கிரேஸி. ஏற்கெனவே ரஜினியின் அருணாச்சலத்துக்கு வசனம் எழுதியுள்ளார்.

அருணாச்சலம் 200 நாட்களுக்கு மேல் ஓடி வசூல் சாதனை புரிந்த படமாகும்.