ரஜினியும் அவரது மகள்களும்!... சில சுவாரஸ்யங்கள்!!

இளமை முதுமை

நல்லவனுக்க நல்லவன், அண்ணாமலை, படையப்பா, ஆகிய படங்களில் ரஜினி இளமை, முதுமை, என அசத்தியிருப்பார். இளமை வயதில் வேகமான ரஜினியாகவும், முதுமை வயதில் பொறுப்பான, பாசமான அப்பாவாக வலம் வருவார்.

துளசி

நல்லவனுக்கு நல்லவன் படத்தில் ரஜினியின் மகளாக நடித்தவர் துளசி. இன்றைக்கு துளசியைப் பார்த்தால் ரஜினியின் அம்மாவாக நடிக்கும் அளவிற்கு குண்டாக இருக்கிறார். அவரே இப்போது கதாநாயகிகளின் அம்மாவாகத்தான் சினிமாக்களில் நடித்துக்கொண்டிருக்கிறார்.

மகள் போன சோகம்

தன்னை எதிரியாக நினைக்கும் ஒருவரை தன்னுடைய மகள் காதலிப்பது அறிந்து மகளுக்கு அறிவுரை கூறுவார் ரஜினி. ஆனால் அதையும் மீறி மகள் திருமணம் செய்துவதை நினைத்து சோக கீதம் பாடும் ரஜினியின் நடிப்பு ரசிகர்களுக்கு பிடித்தமானது.

அண்ணாமலையில் தாட்சாயிணி

அண்ணாமலை படத்தில் நண்பனாக இருந்து எதிரியான சரத்பாபுவின் மகனை காதலிப்பார் மகளாக நடித்த தாட்சாயிணி. மகளுக்கு அட்வைஸ் செய்யும் அந்த காட்சியில் அசத்தியிருப்பார் ரஜினி.

படையப்பா படத்தில் ப்ரீதா

படையப்பா படத்தில் ரம்யாகிருஷ்ணன், சௌந்தர்யா என இருவர் நாயகிகள் ரஜினியை காதலித்தாலும் சௌந்தர்யாவை திருமணம் செய்து கொள்வார் ரஜினி. இதற்கு பழிவாங்க ரஜினியின் மகளான ப்ரீதாவை தன்னுடைய அண்ணன் மகனான அப்பாஸை விட்டு காதலிக்க வைத்து சிக்கலை உண்டு பண்ணுவார் ரம்யா கிருஷ்ணன்.

அப்பா சொன்னா ஓகேதான்

ஒரு மகள் காதலில் விழுந்தாலும் இன்னொரு மகள் அப்பாவின் சொல் பேச்சு கேட்டு மாமன் மகளையே திருமணம் செய்து கொள்வார். அப்புறம் சிக்ஸ் பேக் காட்டி சண்டை போட்டு மகளின் காதலை சேர்த்து வைப்பார் ரஜினி

தன்ஷிகா

ரஞ்சித் இயக்கத்தில் 159வது படத்தில் ரஜினியின் மகளாக தன்ஷிகா நடிப்பதாக தகவல்கள் வெளியாகியுள்ளன. நீண்ட வருடங்களுக்குப் பிறகு டீன் ஏஜ் மகளின் அப்பாவாக மீண்டும் நடிக்கப் போகிறார் ரஜினி. சென்டிமெண்ட் ஆக இந்தப்படம் சூப்பர் ஹிட் ஆகும் என்று பேசப்படுகிறது. ஆனால் மகளாக நடித்தால் எதிர்காலம் என்னவாகும் என்ற சென்டிமெண்டும் கோலிவுட்டை வலம் வருகிறது.