Don't Miss!
- News மதுரை எய்ம்ஸ்க்கு புது சிக்கல்.. இன்னும் கட்டுமான பணி தொடங்கலையாம்.. கிளம்பிய புகாரால் ‛அப்செட்’
- Finance ஏப்ரல் 19: உலகிலேயே காஸ்ட்லியான தேர்தல் இந்தியாவில் நடக்கிறது.. தலைசுத்தவைக்கும் பட்ஜெட்..!
- Sports PBKS vs MI : நம்ம ஹர்சல் படேலா இது.. கடைசி 5 ஓவரில் 5 விக்கெட்ஸ்.. மும்பையை கலங்கடித்த பஞ்சாப்!
- Lifestyle இனிமே மாம்பழ தோலை தூக்கி எறியாம.. இப்படி டீ செஞ்சு குடிங்க.. இருமடங்கு நன்மை கிடைக்கும்...
- Automobiles தஞ்சாவூரில் பிறந்து பாலிவுட்டை கலக்கி கொண்டிருக்கும் டைரக்டர்!! புதுசா வாங்கியிருக்கும் காஸ்ட்லீ கார்!
- Technology UPI கெடு முடிந்தது.. Paytm யூசர்கள் உடனே இதை பண்ணுங்க.. NPCI கொடுத்த அப்ரூவல்.. இனி எஸ்பிஐ, எச்டிஎப்சிதான்!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ராஜ்கிரணுக்கு குவியும் வாய்ப்புகள்... கொம்பனில் முக்கிய வேடம்!
அரண்மனைக் கிளி படம் வெளியாகி பட்டையைக் கிளப்பிக் கொண்டிருந்த நேரம்... ராஜ்கிரண்தான் அன்றைக்கு தமிழ் சினிமாவின் அதிகம் தேவைப்பட்ட ஹீரோ.
ஆனால் அன்றைக்கு அவர் பேசிய சம்பளம் எவ்வளவு தெரியுமா.. சூப்பர் ஸ்டார் ரஜினிகாந்த் வாங்குவதை விட ஒரு ரூபாய் அதிகம் வேண்டும் என்பதுதான். நம்ப மாட்டீர்கள்.. தயாரிப்பாளர்களும் மறுபேச்சின்றி கொடுத்தார்கள்!!
மதிப்பு
அதே ராஜ்கிரண் மாணிக்கம் என்ற ஒரு படத்தில் திடீரென சறுக்கி, கொஞ்ச காலம் காணாமல் போனார். நிஜத்தில் அவர் சில சர்ச்சைகளில் சிக்கினாலும் தன் மீதான மதிப்பு குறையாமல் பார்த்துக் கொண்டார் சினிமாவில்.
நந்தா
அவரது மறுபிரவேசம் நந்தாவில் ஆரம்பித்தது. சிவாஜி கணேசன் நடிக்க வேண்டிய பாத்திரம். அதை அத்தனை சிறப்பாக நடித்திருந்தார் ராஜ்கிரண். பாலாவுக்கு வேலையே வைக்காமல், அத்தனை கச்சிதமான நடிப்பைத் தந்தார்.
தேர்ந்தெடுத்த பாத்திரங்கள்
அடுத்து தலைமுறைகள், முனி, தவமாய் தவமிருந்து, சண்டைக்கோழி என அவர் நடித்த அத்தனைப் படங்களிலும், ஹீரோ யாராக இருந்தாலும் அவரே பிரதானமாய் நின்றார். அத்தனை அற்புதமான, இயல்பான நடிப்பைத் தருபவர் ராஜ்கிரண்.
மஞ்சப்பை
சமீபத்தில் அவர் நடித்த மஞ்சப்பை வெளியானது. ஹீரோ, ஹீரோயின் யாரும் இந்தப் படத்தில் எடுபடவில்லை. ஆனால் ராஜ்கிரண் ஒற்றை ஆளாய் அந்தப் படத்தை தாங்குகிறார்.
குவியும் வாய்ப்புகள்
இன்றைக்கும் ராஜ்கிரண்தான் அதிகம் தேவைப்படும் நடிகராகத் திகழ்கிறார். அடுத்து அவர் நடிப்பில் வரவிருக்கும் படம் சிவப்பு.
இந்தப் படத்துக்குப் பிறகு, கார்த்தியுடன் கொம்பன், சிவகார்த்திகேயனுடன் ரஜினி முருகன் என பல படங்களில் அவருக்கு பிரதான வேடங்கள். இன்னும் பலர் அவரை ஒப்பந்தம் செய்ய வந்தாலும், ராஜ்கிரண் அவசரப்படாமல் போய் வரச் சொல்கிறார்.
நெகடிவா நடிக்க மாட்டேன்
ராஜ்கிரணின் இன்னொரு ஸ்பெஷல்... அவர் தான் நடிக்கும் எந்தப் படத்திலும் எதிர்மறை வேடங்களில் நடிக்கவே மாட்டேன் என்ற கொள்கையுடன் இருப்பதுதான். அப்படி அவர் வேண்டாம் என மறுத்ததுதான் சிவாஜி - த பாஸ் படத்தில் சுமன் நடித்த ஆதி பாத்திரம்!