சூப்பர் டீலக்ஸ்: என்ன விஜய் சேதுபதி, இப்படி முழுப் பூசணிக்காயை சோற்றில் மறைத்துவிட்டீர்களே?

சூப்பர் டீலக்ஸ்

சூப்பர் டீலக்ஸ் விஜய் சேதுபதியின் படம் என்றே விளம்பரம் செய்யப்படுகிறது. அனைத்து போஸ்டர்கள், ப்ரொமோ வீடியோக்களிலும் அவர் உள்ளார்.
இந்நிலையில் படம் குறித்து அதிர்ச்சி அளிக்கும் தகவல் வெளியாகியுள்ளது.

ஷில்பா

சூப்பர் டீலக்ஸ் படத்தில் விஜய் சேதுபதி வெறும் 38 நிமிடங்கள் தான் வருவாராம். விஜய் சேதுபதி கவுரவத் தோற்றத்தில் நடித்துள்ள நிலையில் சூப்பர் டீலக்ஸ் படம் அவர் பெயரை வைத்து விளம்பரம் செய்யப்படுகிறது. விஜய் சேதுபதியை படம் முழுக்க பார்க்கலாம் என்ற ஆசையில் இருப்பவர்களுக்கு இது நிச்சயம் பேரதிர்ச்சி அளிக்கும் தகவல்.

உண்மை

முன்னதாக சீதக்காதி படமும் விஜய் சேதுபதி படம் என்றே விளம்பரம் செய்யப்பட்டது. அந்த படத்தில் விஜய் சேதுபதி 40 நிமிடம் மட்டுமே வந்தார். படம் ரிலீஸாவதற்கு முன்பே தான் கவுரவத் தோற்றத்தில் நடித்த உண்மையை கூறி ரசிகர்களை தியேட்டர்களுக்கு அழைத்தார்.

அமைதி

விஜய் சேதுபதி சீதக்காதி பற்றிய உண்மையை சொல்லி அழைத்தும் படம் ஓடவில்லை. அதனால் தான் சூப்பர் டீலக்ஸ் பற்றிய உண்மையை சொல்லாமல் இருக்கிறார்களோ என்ற கேள்வி எழுந்துள்ளது.