நீண்ட தாடி...ரஜினி ஸ்டைல் நடை...மாஸ் கெட்அப்...மிரட்டும் சிம்புவின் புதிய வீடியோ

ஸ்லிம்மான சிம்பு

மாநாடு படத்தின் ஷுட்டிங்கை முடித்த உடனேயே கவுதம் மேனன் இயக்கும் வெந்து தணிந்தது காடு படத்தில் நடிக்க போய் விட்டார் சிம்பு. இந்த படத்திற்கு கடுமையாக ஒர்க்அவுட் செய்து 15 கிலோ எடையை குறைத்துள்ளார் சிம்பு. குண்டான தனது பழைய ஃபோட்டோவுடன், ஸ்லிம்மான லேட்டஸ்ட் ஃபோட்டோவையும் சேர்த்து அனைவரையும் ஆச்சரியப்பட வைத்தார் சிம்பு.

சஸ்பென்ஸ் வைக்கும் கவுதம் மேனன்

தொடர்ந்து க்ளீன் சேவ் செய்த முகத்துடன், சின்ன பையன் போன்ற கெட்டப்பில் இருக்கும் ஃபோட்டோவையும் வெளியிட்டார். இதனால் வெந்து தணிந்தது காடு படத்திற்காக சிம்பு இப்படி மாறி உள்ளார் என்றார்கள். சிம்புவின் இந்த அடுத்தடுத்த பதிவுகள் படத்தின் மீதான எதிர்பார்ப்பை அதிகப்படுத்தி வருகிறது. முதலில் நதிகளிலேயே நீராடும் சூரியன் என்ற டைட்லை அறிவித்த கவுதம் மேனன், திடீரென படத்தின் டைட்டில், கதை என அனைத்தையும் மாற்றி உள்ளார். இதற்கு என்ன காரணம் எனவும் தெரியவில்லை. இதனால் வெந்து தணிந்தது காடு படத்தின் கதை, சிம்புவின் ரோல் என எதையும் கணிக்க முடியாமல் அனைவரும் குழப்பமடைந்துள்ளனர்.

மிரட்டும் அசத்தல் வீடியோ

இந்நிலையில் சிம்பு லேட்டஸ்டாக இன்ஸ்டாகிராமில் பகிர்ந்துள்ள வீடியோ, அனைவரையும் மேலும் குழப்பி உள்ளது. இரண்டு நாட்களுக்கு முன்பு தான் க்ளீன் சேவ் செய்த ஃபோட்டோவை போட்டிருந்தார். தற்போது நீண்ட தாடியுடன் வேற மாதிரி கெட்அப்புக்கு மாறி உள்ளார். கூல் கிளாசுடன் ரஜினி ஸ்டையிலில் நடந்து வருவது போலவும், வாக்கிங் செல்வது போலவும், ஏரி கரையில் வேஷ்டி சட்டையில் திரும்பி நிற்பது போலவும் பல விதங்களில் இந்த வீடியோ அமைந்துள்ளது.

ஆச்சரியத்தில் ரசிகர்கள்

இதனால் அதற்குள் எப்படிங்க இவ்வளவு நீளமா தாடி வளத்தீங்க. இந்த எந்த பட கெட்அப் என ரசிகர்கள் விடாமல் கேட்டு வருகின்றனர். சிம்பு நடிக்கும் மற்றொரு படமான பத்து தல படத்தின் கெட்அப் என சிலவும், இல்லை சிம்பு வேஷ்டியில் நிற்பதால் கிராமத்து கதையாக உருவாக்கப்படும் வெந்து தணிந்தது காடு படத்திற்காக தான் இருக்கும் என சிலரும் கூறி வருகின்றனர். கேள்விகள் எழுப்பப்பட்டாலும் இந்த வீடியோவை இதுவரை 3 லட்சத்திற்கும் அதிகமானவர்கள் லைக் செய்துள்ளனர்.

எந்த பட கெட்அப் இது

படத்திற்கு படம் மாறுபட்ட கேரக்டர்களில் நடித்து வரும் சிம்பு, மாநாடு படத்தில் இஸ்லாமிய இளைஞராக நடித்துள்ளார். வெந்து தணிந்தது காடு படத்தில் பாலா பட ஹீரோ போல உடல் எடையை குறைத்து கிராமத்து இளைஞராக நடிக்கிறார். தற்போது இந்த வீடியோவில் கிட்டதட்ட கொடி பட தனுஷ் கெட்அப்பிற்கு மாறி உள்ளார் சிம்பு. ஆனால் இது எந்த படத்திற்கான கெட்அப் என்று தான் தெரியவில்லை.