சூர்யாவை இயக்க போகும் சிறுத்தை சிவா... என்ன ரோல் தெரியுமா ?

சூர்யாவை இயக்கும் சிறுத்தை சிவா

அண்ணாத்த படத்தை தொடர்ந்து சூர்யாவை வைத்து அடுத்ததாக படம் இயக்க போவதை சிறுத்தை சிவா உறுதி செய்துள்ளார். இந்த படத்திற்கான ப்ரீ ப்ரொடக்ஷன் வேலைகள் படுதீவிரமாக நடந்து வருகிறதாம். இந்நிலையில் இந்த படம் பற்றிய சில முக்கிய தகவல்கள் வெளியாகி உள்ளன.

சூர்யாவின் ரோல் இதுதான்

சிறுத்தை சிவா இயக்க போகும் படத்தில் சூர்யா இரட்டை வேடத்தில் நடிக்க போகிறாராம். இதில் ஒன்று பவர்ஃபுல்லான கிராமத்து கேரக்டர். மற்றொன்று ஸ்டையிலான, துடிப்பான சிட்டி இளைஞர் கேரக்டர். நீண்ட இடைவெளிக்கு பிறகு சூர்யா இரட்டை வேடத்தில் நடிக்க உள்ளதால் படத்தின் கதை என்னவாக இருக்கும் என ரசிகர்கள் இப்போதே கேட்க துவங்கி விட்டனர்.

அடுத்த ஹிட் ரெடி

சூர்யா ஏற்கனவே இரட்டை வேடங்களில் நடித்த பேரழகன், வேல், வாரணம் ஆயிரம், ஏழாம் அறிவு, மாற்றான், 24 போன்ற படங்கள் பெரிய அளவில் ஹிட்டாகி சூர்யாவிற்கு பெயர் வாங்கிக் கொடுத்துள்ளன. அதனால் சூர்யா- சிறுத்தை சிவா- ஸ்டூடியோ கிரீன் - டி.இமான் கூட்டணியில் மற்றொரு மாஸ் ஹிட் படம் தயாராக உள்ளதாக இப்போதே கோலிவுட்டில் பேச துவங்கி விட்டனர்.

அடுத்தடுத்த படங்கள்

ஜெய்பீம் படத்திற்கு பாராட்டு மழையில் நனைந்து வரும் சூர்யா, தற்போது பாண்டிராஜ் இயக்கும் எதற்கும் துணிந்தவன் படத்தில் நடித்து வருகிறார். இந்த படத்தின் ஷுட்டிங் கிட்டதட்ட இறுதிக்கட்டத்தை எட்டி உள்ளது. அடுத்ததாக வெற்றிமாறன் இயக்கும் வாடிவாசல் படத்தில் நடிக்க உள்ளார். ஆனால் இந்த படத்தின் ப்ரீ ப்ரொடக்ஷன் வேலைகளுக்கு கூடுதல் அவகாசம் தேவைப்படுவதால் தான் படத்தின் ஷுட்டிங் துவங்குவது தாமதமாகி வருவதாக கூறப்படுகிறது.

Recommended Video

Jai Bhim Slapping Controversy | நான் செய்தது சரி Prakash Raj விளக்கம்

எப்போ ஷுட்டிங் ஆரம்பம்

இதனால் வாடிவாசல் படத்திற்கு முன், சிறுத்தை சிவா இயக்கும் படத்தில் சூர்யா நடிக்க உள்ளதாக கூறப்படுகிறது. இந்த படத்தின் ஷுட்டிங் 2022 ம் ஆண்டின் ஆரம்பத்தில் துவக்கப்படலாம் என எதிர்பார்க்கப்படுகிறது. இந்த படத்தை மூன்று மாதங்களில் முடித்து விடுவதாக சிறுத்தை சிவா, சூர்யாவிற்கு ஏற்கனவே வாக்குறுதி அளித்து விட்டாராம்.