மின்னல் முரளி “டொவினோ தாமஸுக்கு இன்று பிறந்தநாள்… இணையத்தில் குவியும் வாழ்த்து !

டொவினோ தாமஸ்

மலையாளத் திரையுலகில் தனக்கென தனி இடத்தைப் பிடிப்பவர்களில் முக்கியமானவர்களில் ஒருவராகத் திகழ்கிறார் டொவினோ தாமஸ். அவர் 2012-ம் ஆண்டு மலையாளத் திரைப்படமான பிரபுவின்டே மக்கள் என்ற திரைப்படத்தின் மூலம் திரைத்துறையில் அறிமுகமானார்.

சிறந்த நடிகர்

முதல் திரைப்படத்தின் வெற்றியைத் தொடர்ந்து ஏபிசிடி, ஆகஸ்ட் கிளப், 7வது நாள், என்னு நிண்டே மொய்தீன், கோதாரா, யூ டூ ப்ருடஸ் போன்ற திரைப்படங்களில் சவாலான கதாபாத்திரங்களில் நடித்துள்ளார். டோவினோ தாமஸ் தனது அட்டகாசமான நடிப்பால் திரையுலகில் தனக்கென தனி இடத்தை பிடித்த டொவினோ தாமஸ் மாயநதி திரைப்படத்தில் சிறப்பாக நடித்து பிலிம்பேரின் சிறந்த நடிகருக்கான விருதைப்பெற்றார்.

தயாரிப்பாளர்

நடிகராக வெற்றி பெற்ற டோவினோ , 2020 ஆம் ஆண்டில், கிலோமீட்டர்ஸ் அண்ட் கிலோமீட்டர்ஸ் என்ற படத்தின் மூலம் தயாரிப்பாளராக அறிமுகமானார், அதில் அவர் முக்கிய கதாபாத்திரத்தில் நடித்திருந்தார் அந்த திரைப்படம் பிளாக் பஸ்டர் ஹிட்டடித்தது.

மாரி 2

மலையாள திரையுலகில் ஜொலித்துக்கொண்டு இருந்த டோவினோ தாமஸ் தனுஷ் , சாய் பல்லவி நடித்த மாரி 2 திரைப்படத்தில் மிரட்டும் வில்லனாக நடித்து தமிழில் தனது அறிமுகத்தை கொடுத்தார்.

மின்னல் முரளி

ஜோசப் இயக்கத்தில் டொவினோ தாமஸ், குரு சோமசுந்தரம் நடித்த மின்னல் முரளி நெட்ஃப்ளிக்ஸில் வெளியாகி பெரும் வரவேற்பைப் பெற்றது. சூப்பர் ஹீரோ கதைக்களத்தைக் கொண்ட இந்த திரைப்படத்தை மிகப்பெரியஅளவில் கொண்டாடினார்கள்.

இன்று பிறந்தநாள்

இந்நிலையில்,டொவினோ தாமஸ் இன்று தனது 33 வது பிறந்த நாளை கொண்டாடி வருகிறார். அவருக்கு திரைப்பிரபலங்களும் சமூகவலைத்தள பக்கத்தில் வாழ்த்து கூறிவருகின்றனர். அவரின் தீவிர ரசிகர்கள் #TovinoThomas #HBDTovinoThomas #MinnalMuraliயை ட்விட்டரில் ட்ரெண்டாக்கி வருகின்றனர்.