முகப்பு

ஹீரோ

விஜய் ஆன்டனி தமிழில் நடித்து வெற்றிப் பெற்ற சலீம் படம் இப்போது தெலுங்கில் வெளியாகியுள்ளது. அங்கு இந்தப் படத்துக்கு டாக்டர் சலீம் என்று தலைப்பிட்டுள்ளனர்.

இந்த படத்தை முதலில் தெலுங்கில் ரீமேக் செய்யப் போவதாகவும், அதை தமிழில் இயக்கிய நிர்மல் குமாரே இயக்குவார் என்றும் செய்திகள் வெளியான நிலையில், படத்தை அப்படியே டப் செய்து வெளியிடுகிறார்கள்.

படத்தின் கதைக் களம் மற்ற மொழிகளில் பெரும் வெற்றி பெற தோதாக இருக்கும் என்று பலரும் கருத்து தெரிவித்ததால், இந்த பட்ததை மொழிமாற்றம் செய்து வெளியிடுகின்றனர்.

டாக்டர் சலீம் என்ற பெயரில் நேற்று வெளியான இந்தப் படத்துக்கு 350 திரைகள் கிடைத்துள்ளதை பெரிய விஷயமாகப் பார்க்கிறார்கள். கிட்டத்தட்ட ஒரு நேரடிப் படத்துக்கு நிகரான ரிலீஸ் இது.

விஜய் ஆன்டனிக்கு நாயகனாக இது இரண்டாவது படம்தான் என்பது குறிப்பிடத்தக்கது.