நம்ம சுமார் மூஞ்சி குமாருக்கு 'பர்த்டே' வாழ்த்து சொல்லுங்கப்பா

சென்னை: நடிகர் விஜய் சேதுபதி இன்று தனது 37வது பிறந்தநாளை கொண்டாடினார்.

சிறு சிறு கதாபாத்திரங்களில் நடித்து ஹீரோவானவர் விஜய் சேதுபதி. படத்திற்கு படம் வித்தியாசமான கதாபாத்திரங்களில் நடித்து வருகிறார். அதனால் அவரை ரசிகர்களுக்கு பிடித்துள்ளது. ரசிகர்களுக்கு அவரை பிடித்துள்ளதால் அவரது கால்ஷீட் நிரம்பி வழிகிறது.

அவர் நடிப்பது தவிர படங்களை தயாரிக்கவும் செய்கிறார். அவர் தற்போது ஆரஞ்சு மிட்டாய், மேற்குத் தொடர்ச்சி மலை ஆகிய படங்களை தயாரித்து வருகிறார்.

அவர் தனுஷின் வுண்டர்பார் பிலிம்ஸ் இயக்கத்தில் நயன்தாராவுடன் சேர்ந்து நானும் ரவுடி தான் படத்தில் நடித்து வருகிறார். இந்த படத்திற்காக அவர் தாடி, மீசையை எடுத்துள்ளார்.

இப்படி பரபரப்பாக இருக்கும் விஜய் சேதுபதி இன்று தனது 37வது பிறந்தநாளை கொண்டாடினார். அவருக்கு ரசிகர்களும், திரை உலக பிரபலங்களும் வாழ்த்து தெரிவித்துள்ளனர்.