Click it and Unblock the Notifications
விஷால், ஆர்யா, விஷ்ணு... எல்லாம் 'நண்பன்' விக்ராந்துக்காக!
விஜய்யின் 'ஒண்ணுவிட்ட' தம்பியாக தமிழில் அறிமுகமான விக்ராந்த்துக்கு, விஜய்க்கு அமைந்தது மாதிரி படங்களும் கேரியரும் அமையவில்லை.
ஆனால் நல்ல நண்பர்கள் அமைந்தார்கள். விஷால்-ஆர்யா-விஷ்ணு இம்மூவரும் விக்ராந்துக்கு சினிமாவில் ஒரு திருப்பம் அமைய வேண்டும் என விரும்புபவர்கள். அதற்கான வாய்ப்பையும் உருவாக்கி வருகிறார்கள்.
விஷால் தயாரித்து, நடித்திருந்த பாண்டிய நாடு படத்தில் விக்ராந்துக்கு சிறிய, ஆனால் மிக நல்ல வேடம் கொடுத்து உயர்த்தியவர் விஷால்.
இப்போது விக்ராந்த் நாயகனாக நடித்து வரும் படம் பிறவி. இந்தப் படத்தில் ஒரு பாடலில் நண்பன் விக்ராந்துக்காக விஷால், ஆர்யா, விஷ்ணு ஆகியோர் இணைந்து ஆடியுள்ளனர்.
சமீபத்தில் இந்தப் பாடலை சென்னையில் உள்ள பின்னி மில்லில் படமாக்கினர்.
சஞ்சீவ் இயக்கி வரும் இந்தப் படம் விக்ராந்த் எதிர்ப்பார்க்கும் திருப்பத்தைத் தரும் என நம்பிக்கை தெரிவித்துள்ளனர் இந்த நண்பர்கள். நல்லது!
Continue with Google