சந்தானம் நாயகனாக நடித்த புதிய படம் இனிமே இப்படித்தான் நாளை வெளியாகிறது. இந்தப் படத்துக்கு தனது வாழ்த்துகளைத் தெரிவித்துள்ளார் நடிகர் விவேக்.
காலத்துக்கேற்ப தன்னை அப்டேட் செய்து கொள்ளும் காமெடி நடிகர்களில் ஒருவர் விவேக். அதேபோல சக நடிகர்களுடன் இணக்கமாக, இளம் நடிகர்களை அரவணைத்துச் செல்வதில் விவேக் முதன்மையானவர்.
சக காமெடி நடிகரான சந்தானம் நாயகனாக நடித்த இனிமே இப்படித்தான் நாளை வெளியாகிறது. சந்தானம் இந்தப் படத்தை மிக முக்கியமாகக் கருதுகிறார்.
இந்த நிலையில் படம் வெற்றியடைய தனது வாழ்த்துகளைத் தெரிவித்துள்ளார் விவேக்.
இன்று தனது ட்விட்டர் பக்கத்தில் விவேக் வெளியிட்டுள்ள செய்தியில், "நாளை வெளியாகும் சந்தானத்தின் இனிமே இப்படித்தான் படத்திற்கு என் அன்பு வாழ்த்துக்கள். Good luck bro!!" என்று தெரிவித்துள்ளார்.
விவேக் இப்படி ட்வீட் போட்டதுமே, நூற்றுக்கும் மேற்பட்டோர் அதை ரீ ட்வீட் செய்துள்ளனர். விவேக்கைப் பாராட்டியும் கருத்துப் பதிவிட்டுள்ளனர்.
