முகப்பு

ஹீரோ

மும்பை: 49வது வயதில் காலடி எடுத்து வைத்துள்ள பாலிவுட் நடிகர் சல்மான்கானுக்கு வாழ்த்துக்கள் வந்து குவிந்தவண்ணம் உள்ளன.

பாலிவுட் முன்னணி நடிகரான சல்மான்கான் தனது 49வது பிறந்தநாளை இன்று கொண்டாடுகிறார். முன்னதாக நேற்றிரவு அவரது பண்ணை வீட்டில் கேக் வெட்டி கொண்டாட்டம் நடத்தப்பட்டது. நெருக்கமானவர்களை மட்டும் இந்த நிகழ்ச்சிக்கு சல்லு அழைத்திருந்தார். அஜய் தேவ்கன், பிரியங்கா சோப்ரா, லிங்கா பட நாயகி சோனாக்ஷி, கரன் ஜோகர் உள்ளிட்டவர்கள் அந்த நிகழ்ச்சியில் பங்கேற்றனர்.

பிறந்த நாள் கொண்டாட்டத்தின்போது வெட்டிய கேக்கை டிவிட்டர் தளத்தில் பகிர்ந்துள்ளார் சல்மான்கான், "Happy Birthday Bhai" என்று கேக் மீது எழுதப்பட்டுள்ளது.

இதனிடையே முன்னணி சினிமா கலைஞர்கள் டிவிட்டர் மூலம், சல்லுவுக்கு வாழ்த்துகளை தெரிவித்தபடி உள்ளனர். பிபாசா பாசு, சோனாக்ஷி, பிரீத்தி ஜிந்தா, சன்னி லியோன் என கிட்டத்தட்ட அனைத்து பிரபரலங்களும் சல்மானுக்கு வாழ்த்து மழை பொழிந்துள்ளனர்.