For Quick Alerts
    ALLOW NOTIFICATIONS  
    For Daily Alerts

    9ம் தேதி ஷ்ரேயா ரெட்டி கல்யாணம்

    By Staff
    |

    Shreya Reddy with Vishal
    திமிரு, வெயில் படங்களில் வித்தியாசமான வேடங்களில் நடித்த ஷ்ரேயா ரெட்டிக்கும், விஷாலின் அண்ணனும், முன்னாள் நாயகனுமான அஜய் என்கிற விக்ரம் கிருஷ்ணாவுக்கும் சென்னையில் 9ம் தேதி திருமணம் நடக்கிறது. நாளை நிச்சயதார்த்தம் நடைபெறுகிறது.

    திமிரு படத்தில் ஈஸ்வரி என்ற கேரக்டரில் படு அரக்கத்தனமாக நடித்து நடிகையானவர் ஷ்ரேயா ரெட்டி. அதற்கு முன்பு எஸ்.எஸ். டிவியில் கலக்கல் வீஜேவாக விளையாடிக் கொண்டிருந்தார் ரெட்டி.

    திமிரு படத்தைத் தொடர்ந்து வெயில், பள்ளிக்கூடம் ஆகிய படங்களிலும் பேசும்படியான கேரக்டர்களில் நடித்துக் கலக்கினார்.

    இந்த நிலையில் அவருக்கும், விஷாலின் அண்ணன் விக்ரம் கிருஷ்ணாவுக்கும் இடையே காதல் மலர்ந்தது. விக்ரம் கிருஷ்ணா, சில காலத்திற்கு முன்பு அஜய் என்கிற பெயரில் நடித்தவர். பூப்பறிக்க வருகிறோம் படம்தான் அவரது முதல் படம். அதில் அவருக்கு ஜோடி மாளவிகா.

    விஷால் நடிக்க வந்த பின்னர் தயாரிப்பாளர் ஆனார் விக்ரம் கிருஷ்ணா. சண்டக்கோழி, திமிரு ஆகிய படங்களை இவர்தான் தயாரித்தார்.

    ஷ்ரேயாவுக்கும், விக்ரம் கிருஷ்ணாவுக்கும் திருமணம் நடத்தி வைக்க இரு வீட்டாரும் முடிவு செய்தனர். இதையடுத்து திருமண நிச்சயதார்த்தம் நாளை நடக்கிறது.

    இருவருக்கும் நாளை மறுதினம் (மார்ச்-9) சென்னையில் திருமணம் நடக்கிறது. இதற்காக பிரமாண்டமான ஏற்பாடுகள் செய்யப்பட்டுள்ளன.

    கலைஞர் அரங்கில் நடைபெறவுள்ள இநத்திருமண நிகழ்ச்சியில் தமிழ் திரையுலக பிரபலங்கள் அனைவரும் திரளாகக் கலந்து கொள்கிறார்கள்.

    வாழ்த்துக்கள். விஷாலுக்கு எப்போ?

    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X