Don't Miss!
- Lifestyle தழும்புகள் உங்க சருமத்தை அசிங்கமா காட்டுகிறதா? இந்த எளிய வீட்டு வைத்தியங்களை யூஸ் பண்ணுங்க..சீக்கிரம் மறையும்!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- News அரவிந்த் கெஜ்ரிவாலை சிறையில் கொல்ல சதித்திட்டம்? இன்சூலின் கொடுக்க மறுப்பு? பகீர் கிளப்பிய அதிஷி
- Finance தேர்தல் 2024: கொடி, பிளக்ஸ் பேனர்-க்கு மட்டும் ரூ.5000 கோடி செலவு.. அதிர்ச்சி அளிக்கும் டேட்டா..!!
- Automobiles படகு மாதிரி மிதந்து சென்ற ரூ2.44 கோடி கார்! இவ்வளவு வெள்ளத்துலயும் சின்ன டேமேஜ் கூட ஆகலயே!
- Sports PBKS vs MI : நம்ம ஹர்சல் படேலா இது.. கடைசி 5 ஓவரில் 5 விக்கெட்ஸ்.. மும்பையை கலங்கடித்த பஞ்சாப்!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ஆட்டத்தை நிறுத்தினார் விந்தியா
சங்கமம் மூலம் நடிகையானவர் விந்தியா. முதல் படத்தில் அவரது நடிப்பு பேசப்பட்டது. படமும் நன்றாகப் போனது. ஆனாலும் அதன் பின்னர் விந்தியா வேகமாக பிக்கப் ஆகவில்லை.
ஓரிரு படங்களில் நாயகியாக நடித்த விந்தியா பின்னர் 2வது நாயகி ரேஞ்சுக்கு மாறினார். அப்படியும் கூட பெரிய அளவில் படங்கள் தேறவில்லை. ஒரு படத்தில் விவேகுக்கு ஜோடியாக கூட நடித்திருந்தார்.
இடையில் பெரிய தொய்வு காணப்பட்டது. இதனால் கவர்ச்சி ஆட்டத்திற்கு மாறினார் விந்தியா. கவர்ச்சி குத்தாட்டத்தில் கொஞ்ச காலம் ஓட்டியும் கூட பெரிய அளவில் பேசப்படவில்லை.
இந்த நிலையில் திடீரென அரசியல் பக்கமும் சாய்ந்து பார்த்தார். கடந்த சட்டசபைத் தேர்தலில் அதிமுகவுக்காக சூறாவளிப் பிரசாரம் செய்து அசத்திய விந்தியா, அரசியலிலும் பெரிய ஆளாகப் பிரகாசிக்க முடியவில்லை.
இப்படி அடுத்தடுத்து தடங்கல் வந்த நிலையில், இடையில் கற்பழிப்பு முயற்சி சர்ச்சையிலும் சிக்கினார். அந்த வழக்கிலிருந்து ஒரு வழியாக சமீபத்தில்தான் மீண்டார்.
இப்படி தட்டுத் தடுமாறி ஓடிக் கொண்டிருந்த விந்தியாவின் வாழ்க்கையில் ஒரு சுப திருப்பமாக திருமணம் நிச்சயமாகியுள்ளது. பானுப்பிரியாவின் தம்பியை மணக்கப் போகும் சந்தோஷத்தில் இருக்கிறார். இதனால் தன்னைத் தேடி வரும் கவர்ச்சி ஆட்ட வாய்ப்புகளை நிராகரித்து வருகிறாராம்.
இனிமேல் நடிப்பதே சந்தேகம். அதிலும் கவர்ச்சி ஆட்டமெல்லாம் ஆடவே முடியாது என்று கூறி வருகிற வாய்ப்புகளை அன்போடு திருப்பி அனுப்பி வருகிறாராம் விந்தியா.
தற்போது விந்தியா கையில் அழகு நிலையம் உள்பட 2 படங்கள் உள்ளன. இதில் அழகு நிலையம் படத்தில் விந்தியாவும், சொர்ணமால்யாவும் போட்டி நடனம் ஒன்றில் ஆடி அசத்தியுள்ளனராம். அனேகமாக இதுதான் விந்தியாவின் கடைசி ஆட்டமாக இருக்கும் என்கிறார்கள்.