'ப்ப்பா... யார்ரா இந்தப் பொண்ணு... நயன்தாராவா ?!'

மேக்கப் இல்லாமல் சில நடிகைகளைப் பார்க்கும்போது, நடிகர் விஜய் சேதுபதி நடுவுல கொஞ்சம் பக்கத்த காணோம் படத்தில் அடிக்கும் 'ப்ப்பா.. யார்ரா இந்த பொண்ணு பேய் மாதிரி இருக்கா?' என்ற கமெண்ட்தான் நினைவுக்கு வரும்.

சமீபத்தில் வெளியாகியுள்ள டாப் நடிகை நயன்தாராவின் லேட்டஸ்ட் படங்களைப் பார்த்து, இணையத்தில் இப்படித்தான் கலாய்க்க ஆரம்பித்துள்ளனர் ரசிகர்கள்.

இந்த ஸ்டில்கள் நானும் ரவுடிதான் படப்பிடிப்பின் இறுதிநாளன்று எடுக்கப்பட்டவையாம்.

இயக்குநர் விக்னேஷ் சிவன், விஜய் சேதுபதி ஆகியோரோடு சேர்ந்து நயன்தாரா படங்கள் எடுத்துக் கொண்டுள்ளார். இவற்றில் பொலிவிழந்த முகத்துடனும், உடல் மெலிந்த தோற்றத்துடனும் காட்சி தருகிறார் நயன்தாரா.

அவர் முன்பு படங்களில் மிகவும் பளிச்சென்று தோன்றிய படத்தையும், இந்த லேட்டஸ்ட் படத்தையும் இணைத்து, 'ப்ப்பா... யார்ரா இந்தப் பொண்ணு... நயன்தாராவா ?!' என்று சமூக வலைத் தளங்களில் கிண்டலடிக்க ஆரம்பித்துள்ளனர்.

இரவு, பகல் தொடர்ந்து படப்பிடிப்புகளில் பங்கேற்றதால் இப்படி உடல் மெலிந்து வசீகரத்தை இழந்துவிட்டாராம் நயன். எனவே விரைவில் கேரளாவுக்குப் போய் உழிச்சல்.. பிழிச்சல் வகை மூலிகை மசாஜ் செய்து பொலிவோடு திரும்பப் போகிறார் என்று கூடுதலாக தகவல்கள் உலா வருகின்றன.