ஸ்ரீதேவி அக்கா மகனும், "காத்தாடி" தன்ஷிகாவும்!

முக்கிய வேடத்தில் பேபி சாதன்யா:

சம்பத், ஜான் விஜய், மனோபாலா, கோட்டா சீனிவாசராவ், வி.எஸ்.ராகவன், காளி வெங்கட், சுமார் மூஞ்சி குமார் டேனியல், நான் கடவுள் ராஜேந்திரன், பசங்க சிவகுமார், லொள்ளு சபா மனோகர், வினோதினி, மதுமிதா, சூப்பர் குட் சுப்ரமணி, சேரன்ராஜ். மற்றும் முக்கிய கதாப்பாத்திரத்தில் பேபி சாதன்யா நடிக்கிறார். இத்திரைப்படம் பற்றி இயக்குனர் கல்யாணிடம் கேட்கும் பொழுது அவர் கூறியதாவது,

குழந்தைத் திருட்டு:

இந்த படம் முழுக்க முழுக்க ஆக்ஷன் மற்றும் காமெடி இரண்டும் கலந்து உருவாக்கி இருக்கிறோம். படத்தின் ஆரம்பம் முதல், இறுதிவரை காமெடி கலாட்டாவாக இருக்கும். தொழிலதிபராக வரும் சம்பத்தின் குழந்தை சாதன்யாவை திருடர்களான அவிஷேக், சுமார் மூஞ்சி குமார் டேனியல் இருவரும் பணத்திற்காக கடத்துகிறார்கள்.

காப்பாற்றும் தன்ஷிகா:

போலீஸ் ஆபிசராக வரும் தன்ஷிகா திருடர்களிடமிருந்து பேபி சாதன்யாவை எப்படி காப்பாற்றினார் என்பதை ஆக்ஷன் மற்றும் காமெடி கலந்து உருவாக்கி உள்ளோம். எனது, கத சொல்ல போறோம் படம் வெற்றி பெற்றதற்கு காரணமே அதில் உள்ள செண்டிமெண்ட் காட்சிகள் தான். அது இந்த படத்திலும் காட்சிகளுக்கேற்ப இருக்கிறது. இந்த படமும் நிச்சயமா வெற்றியடையும்.

கத சொல்லப் போறோம்:

கத சொல்ல போறோம் படம் வெற்றி பெற்றதை தொடர்ந்து இந்த படத்தை பார்த்த லிப்பி சினி கிராப்ட்ஸ் வி.என்.ரஞ்சித்குமார் மற்றும் ஒயிட் ஹார்ஸ் ஸ்டியோஸ் கே.சசிகுமாரும் இந்த படத்தை உலகம் முழுதும் வெளியிடுகிறார்கள். ஏலகிரி, கேரளாவில் உள்ள வாகுமன் மற்றும் சென்னை போன்ற இடங்களில் படப்பிடிப்பு நடைபெற்றுள்ளது. விரைவில் படம் வெளியாக உள்ளது என்றார் இயக்குனர் எஸ்.கல்யாண்.

அழுத்தமான தன்ஷிகா:

நடிகை தன்ஷிகா தமிழ் திரைப்படங்களில் அவ்வவ்போது தலை காட்டினாலும், கபாலி படத்தில் அவருக்கு அமைந்த இந்த அழுத்தமான கதாப்பாத்திரம் தான் அவரை அடுத்தடுத்த கட்டத்திற்கு கொண்டு செல்கிறது. மேலும் இத்திரைப்படத்திற்கு ஜெமின் ஜோம்அயாநாத் ஒளிப்பதிவு செய்ய, பவன் பாடல்களுக்கான இசையையும், தீனா படத்தின் பின்னணி இசையையும் கையாண்டுள்ளனர்.