புதிய கலர்புல் புகைப்படங்களை பகிர்ந்த ஹன்சிகா மோத்வானி.. க்யூட் என ரசிகர்கள் கமெண்ட்!

நடிகை ஹன்சிகா மோத்வானி

நடிகை ஹன்சிகா மோத்வானி தமிழ் உள்ளிட்ட தென்னிந்திய மொழிகளில் மட்டுமின்றி இந்தியிலும் படங்களில் நடித்து சிறந்த நடிகை என்ற பெயர் பெற்றுள்ளார். இவரது நடிப்பில் தமிழில் பல சூப்பர் ஹிட் படங்கள் வெளியாகி ரசிகர்களை கவர்ந்துள்ளன. குட்டி குஷ்பூ என்று பெயர் பெற்ற ஹன்சிகா, கொழுக் மொழுக் என்று இருந்த தன்னுடைய உடலை குறைத்து ஸ்லிம்மாக மாறினார்.

ஹன்சிகாவின் மஹா படம்

இந்த மாற்றம் அவருக்கு சிறப்பாக அமையும் என்று எதிர்பார்க்கப்பட்ட நிலையில், அவருக்கு பட வாய்ப்புகள் குறைந்தன. சமீபத்தில் அவரது நடிப்பில் மஹா படம் வெளியானது. இந்தப் படத்தில் அவருடன் சிம்பு இணைந்து நடித்திருந்தார். ஆனால் இந்தப் படம் எதிர்பார்த்த அளவிற்கு வெற்றியை தரவில்லை.

ஹன்சிகா -சோஹைல் திருமணம்

இதனிடையே மும்பையை சேர்ந்த தொழிலதிபர் சோஹைல் கத்தூரியா என்பவரை மணக்கவுள்ளதாக அறிவித்த ஹன்சிகா, கடந்த டிசம்பர் மாதத்தில் அவரை திருமணம் செய்துக் கொண்டார். ஜெய்ப்பூர் அரண்மனையில் இவர்களது திருமணம் மிகவும் பிரம்மாண்டமான அளவில் நடைபெற்றது. தன்னுடைய தோழியின் முன்னாள் கணவரைத்தான் ஹன்சிகா மணந்துள்ளார்.

கலர்புல் புகைப்படங்கள்

இந்த திருமணத்தையடுத்து கலர்புல்லான புகைப்படங்களை ஹன்சிகா தன்னுடைய இன்ஸ்டாகிராம் பக்கத்தில் பகிர்ந்து ரசிகர்களை கவர்ந்தார். இந்நிலையில் தற்போது திருமணமாகி ஒரு மாதத்தை கடந்த நிலையில் தன்னுடைய திருமண புகைப்படங்களை மீண்டும் இன்ஸ்டாகிராமில் பதிவிட்டுள்ளார் ஹன்சிகா. திருமணத்தின்போது எடுக்கப்பட்ட இந்தப் புகைப்படங்கள் மிகவும் அழகாக ரசிகர்களை கவரும் வகையில் அமைந்துள்ளன.

முன்னணி நடிகர்களுடன் ஜோடி

இந்திப் படத்தில் குழந்தை நட்சத்திரமாக அறிமுகமான ஹன்சிகா மோத்வானி, தெலுங்கில் நாயகியாக அறிமுகமானார். தொடர்ந்து தனுஷுடன் இணைந்து மாப்பிள்ளை படத்தில் தமிழில் இவரது என்ட்ரி அமைந்தது. தன்னுடைய கொழுக் மொழுக் உடல்வாகு மற்றும் அழகான சிரிப்பால் ரசிகர்களை கவர்ந்த ஹன்சிகா, விஜய், ஜெயம்ரவி, சுந்தர் சி, சிம்பு உள்ளிட்ட முன்னணி நடிகர்களுடன் இணைந்து நடித்துள்ளார்.