லுங்கியுடன் தலைவிரி கோலமாய்.. ஸ்ருதிஹாசனை பார்த்து குழம்பும் ரசிகர்கள்!

தெலுங்கில் அதிக திரைப்படங்களில்

மிகப் பெரிய திரைக் குடும்பத்தில் பிறந்த நடிகை ஸ்ருதிஹாசன் இப்பொழுது தென்னிந்தியாவில் முன்னணி நடிகையாக இருந்தாலும் முதல் முறையாக ஹிந்தியில் நடித்து அறிமுகம் செய்யப்பட்டார். இப்போது தென்னிந்திய மொழிகளில் முழு கவனத்துடன் படங்களில் நடித்து வரும் ஸ்ருதிஹாசனுக்கு தமிழை விடவும் தெலுங்கில் அதிக திரைப்படங்கள் குவிகிறது.

வசூலில் பட்டையைக் கிளப்பியது

தெலுங்கில் இவர் நடிக்கும் திரைப்படங்கள் அடுத்தடுத்து வெற்றி பெற்று வருவதால் இவரை படங்களில் ஒப்பந்தம் செய்ய தயாரிப்பாளர்கள் போட்டி போட்டுக் கொண்டு உள்ளனர். ரவி தேஜாவுக்கு ஜோடியாக நடித்த கிராக் திரைப்படம் சமீபத்தில் வசூலில் பட்டையைக் கிளப்பியது. மேலும் பவன் கல்யாணுக்கு ஜோடியாக வக்கீல் சாப் என்ற படத்திலும் நடித்திருந்தார்.

Recommended Video

உடற்பயிற்சி செய்யும் போது முதுகில் ஏறி அமர்ந்து பின்னால் தட்டிய காதலர்... வறுபடும் ஸ்ருதிஹாசன்!

துடிப்பான நடிப்பு

தமிழில் அளவான படங்களில் மட்டும் நடித்து வரும் ஸ்ருதி ஹாசன் விஜய் சேதுபதியுடன் முதல் முறையாக இணைந்து லாபம் என்ற திரைப்படத்தில் நடித்திருந்தார். பெரும் எதிர்பார்ப்பில் வெளியான லாபம் ரசிகர்களிடையே எதிர்பார்த்த அளவிற்கு வரவேற்பை பெறவில்லை. ஆனால் ஸ்ருதிஹாசனின் துடிப்பான நடிப்பு படம் முழுவதும் நிறைந்திருந்தது.

முழுவதும் ஆக்ஷன் கதை களத்தில்

கே ஜி எஃப் பிரம்மாண்ட வெற்றியைத் தொடர்ந்து இயக்குனர் பிரசாந்த் நீல் அதன் அடுத்த பாகம் கேஜிஎஃப் சாப்டர் 2 பல மடங்கு பிரம்மாண்டமாக இயக்கி வருகிறார். கே ஜி எஃப் 2 இப்பொழுது இறுதி கட்டத்தை எட்டியிருக்கும் சூழலில் அடுத்த படத்தில் பாகுபலி பிரபாஸ் ஹீரோவாக நடித்து வருகிறார். முழுவதும் ஆக்ஷன் கதை களத்தில் உருவாகி வரும் இப்படத்திற்கு சலார் என டைட்டில் வைக்கப்பட்டுள்ளது. முற்றிலும் காட்டுப் பகுதியில் இப்படத்தின் படப்பிடிப்பு நடைபெற்று வருகிறது. இதில் கதாநாயகியாக ஸ்ருதிஹாசன் ஒப்பந்தம் செய்யப்பட்டுள்ளார்.

லுங்கியுடன் தலைவிரி கோலமாய்

இவ்வாறு தென்னிந்தியாவில் முன்னணி நடிகையாக வலம் வந்து கொண்டிருக்கும் ஸ்ருதிஹாசன் அடிக்கடி சர்ச்சைகளில் சிக்குவது வழக்கமாக உள்ளது. இந்த நிலையில் இப்பொழுது வித்தியாசமான காஸ்ட்யூமில் வெளியிட்டுள்ள புகைப்படமும் வைரலாகி வருகிறது. அதில் வெறும் லுங்கியுடன் தலைவிரி கோலமாய் ஸ்ருதிஹாசன் எடுத்த க்யூட் புகைப்படங்கள் அதிக கவனத்தை ஈர்த்து வருகிறது.