51 வயதாகியும் திருமணம் செய்துகொள்ளாமல் இருக்க அந்த நடிகர்தான் காரணம்... மனம் திறந்த நடிகை தபு!

தபுவின் தமிழ் படங்கள்

தொடர்ந்து இந்தி மற்றும் தெலுங்கு மொழி படங்களில் பிஸியானார் நடிகை தபு. தமிழில் காதல் தேசம் படத்தின் மூலம் என்ட்ரி கொடுத்தார் நடிகை தபு. தமிழில் இருவர், தாயின் மணிக்கொடி, கண்டுக்கொண்டேன் கண்டுக்கொண்டேன், சினேகிதியே, டேவிட் ஆகிய படங்களில் நடித்துள்ளார் தபு.

51 வயதான நடிகை

தற்போதும் இந்தி, தெலுங்கு, மலையாளம், இங்கிலிஷ் என பல மொழி படங்களில் பிஸியாக உள்ளார் நடிகை தபு. 51 வயதான நடிகை தபு, இன்னமும் திருமணம் செய்து கொள்ளவில்லை. தபு தெலுங்கு சினிமாவில் பிஸியாக இருந்த போது நடிகர் நாகார்ஜூனாவும் தபுவும் காதலிப்பதாக தகவல் பரவியது.

ஏன் திருமணம் செய்துகொள்ளவில்லை?

பின்னர் அந்த காதல் முறிந்துவிட்டதாக கூறப்பட்டது. இந்நிலையில் 51 வயதாகியும் தான் ஏன் இன்னும் திருமணம் செய்துகொள்ளவில்லை என்பது குறித்து நடிகை தபு மனம் திறந்து பேசியுள்ளார். அதில் தனக்கு திருமணம் நடக்காமல் போனதற்கு காரணம் நடிகர் அஜய் தேவ்கன் தான் என்று கூறியுள்ளார்.

என் சகோதரரின் நண்பர்

இதுதொடர்பாக அவர் கூறியிருப்பதாவது, எனக்கு ஆரம்பத்தில் இருந்தே அஜய் தேவ்கனை தெரியும். எனது சகோதரனுக்கு அவர் நெருங்கிய நண்பர். நாங்கள் மும்பை ஜுஹூ பகுதியில் வசித்தோம். அப்போது எனது ஒவ்வொரு செயலையும் அஜய் தேவ்கன் கவனித்துக்கொண்டே இருப்பார்.

மற்ற ஆண்களுடன் சண்டை போடுவார்

நான் எங்கு சென்றாலும் பின் தொடர்ந்து வருவார். வேறு ஆண்களுடன் நான் பேசுவது அவருக்கு பிடிக்காது. யாரிடமாவது நான் பேசினால் அந்த ஆண்களுடன் சண்டை போடுவார். அதனால்தான் நான் திருமணம் செய்து கொள்ளாமல் அப்படியே இருந்துவிட்டேன்" என்று கூறியுள்ளார்.

கஜோல் காதல் திருமணம்

நடிகர் அஜய் தேவ்கனும் நடிகை தபுவும் விஜய் பத், கோல் மேன் அகெய்ன், திரிஷ்யம், போன்ற படங்களில் ஜோடியாக நடித்துள்ளனர். அஜய் தேவ்கனை நடிகை கஜோல் காதலித்து 1999ஆம் ஆண்டு திருமணம் செய்து கொண்டார். அவர்களுக்கு இரண்டு பிள்ளைகள் உள்ளனர் என்பது குறிப்பிடத்தக்கது.