அச்சச்சோ ஆலியா ”பட்டு”க்கு தோள்பட்டையில் அடியாமே!!!

மும்பை: பாலிவுட் நடிகையான ஆலியா பட்டிற்கு அவரது இடது கை தோள்பட்டையில் காயம் ஏற்பட்டுள்ளதாம்.

22 வயதான ஆலியா பட் "ஸ்டூடண்ட் ஆப் தி இயர்", "2 ஸ்டேட்ஸ்" ஆகிய படங்களில் நடித்த பாலிவுட் ஸ்டார். தற்போது "கபூர் அண்ட் சன்ஸ்" என்ற படத்தில் தமிழ்நாட்டின் குன்னூரில் படப்பிடிப்பில் உள்ளார்.

இப்படப்பிடிப்பின் போதுதான் அவருக்கு அடிபட்டுள்ளது. எனினும், தான் நலமாக இருப்பதாக அவர் தெரிவித்துள்ளார். "எல்லோருடைய ஆறுதலுக்கும் நன்றி...சின்ன காயம்தான்...நான் நன்றாக இருக்கின்றேன்... 2 வாரத்தில் சரியாகிவிடுவேன்..." என்று தன்னுடைய டுவிட்டர் பக்கத்தில் அவர் தெரிவித்துள்ளார்.

ஆலியாவின் அம்மா சோனி ராஸ்டனும் தன்னுடைய பிளாக்கில் ரசிகர்களுக்கு நன்றி தெரிவித்துள்ளார். "ஆலியாவின் உடல் நிலை குறித்து விசாரித்த அனைவருக்கு நன்றி" என்று தெரிவித்துள்ளார்.

"ஹம்ப்டி சர்மா கி துல்கானியா" படத்தில் வருண் தவானுடன் சமீபத்தில் நடித்திருந்த ஆலியா, அடுத்ததாக வெளியாக இருக்கும் "சந்தர்" படத்திலும் நடித்துள்ளார்.