'பாகுபலி'க்காக பாலிவுட் பட வாய்ப்பை உதறித்தள்ளிய ஏமி ஜாக்சன்

ஏமி

ஏமி தேவி மற்றும் ஃப்ரீக்கி அலி ஆகிய இரண்டு படங்களில் நடித்து முடித்துள்ளார். இரண்டு படங்களும் ரிலீஸுக்கு தயாராகியுள்ளன. அதில் ஃப்ரீக்கி அலி சல்மான் கானின் தம்பி சொஹைல் கான் இயக்கியுள்ள படம் என்பது குறிப்பிடத்தக்கது.

ஹாஃப் கேர்ள்ஃபிரெண்ட்

அர்ஜுன் கபூர், ஷ்ரத்தா கபூர் நடிக்கும் ஹாஃப் கேர்ள்ஃபிரெண்ட் இந்தி படத்தில் முக்கிய கதாபாத்திரத்தில் நடிக்குமாறு ஏமியை கேட்டுள்ளனர். அம்மணியோ சாரி, வேறு யாரையாவது நடிக்க வையுங்கள் என்று கூறிவிட்டாராம்.

பிரபாஸ்

பாலிவுட் படத்தில் நடிக்க வாய்ப்பு வந்தும் அதை ஏமி ஏற்காததற்கு காரணம் பாகுபலி பிரபாஸ். ஆம், பிரபாஸ் நடிக்கும் தெலுங்கு படத்தில் நடிக்க ஒப்பந்தம் ஆகியுள்ளார் ஏமி.

அது சரி

சுஜீத் பிரபாஸை வைத்து இயக்கும் காதல் படத்தில் ஏமி தான் ஹீரோயின். இன்னும் பெயரிடப்படாத இந்த படம் அடுத்த ஆண்டு ஆகஸ்ட் மாதம் ரிலீஸாகும். அது சரி பாகுபலிக்கே ஜோடியாக வாய்ப்பு கிடைத்துள்ளபோது பாலிவுட்டு எம்மாத்திரம்.