20 கிலோ ஏற்றி இறக்கிய 'இஞ்சி இடுப்பழகி' அனுஷ்கா!

இஞ்சி இடுப்பழகி படத்துக்காக 20 கிலோ எடையை ஏற்றி இறக்கியுள்ளார் அனுஷ்கா.

பாகுபலி படத்தை தொடர்ந்து அனுஷ்காவின் பட வரிசை பெருகி வருகிறது. அவரது அடுத்த படம் ஆர்யா கதாநாயகனாக நடிக்கும் 'இஞ்சி இடுப்பழகி'. இதன் படப்பிடிப்பு முற்றிலும் முடிந்ததை தொடர்ந்து திரைப்படத்தின் இறுதிக் கட்ட பணிகள் நடந்து வருகின்றன.

'இஞ்சி இடுப்பழகி' படத்தின் கதையே எடைக் குறைப்பு பற்றியதுதான். இந்தப் படத்தில் அனுஷ்கா இரண்டு தோற்றத்தில் வருகிறார். இந்தப் படத்துக்காக அனுஷ்கா 20 கிலோ எடை கூடி, பின்னர் ஆர்யா கொடுத்த சில டிப்ஸ் மூலம் எடையை மீண்டும் குறைத்து வருகிறாராம்.

குண்டான அனுஷ்காவைப் பார்த்த பலரும், அனுஷ்காவுக்கு அக்காவா நீங்க என்று கேட்டார்களாம்.

ஆர்யா இந்தப் படத்தில் ஒரு உடற்பயிற்சி நிபுணராக தோன்றுகிறார். சமீபத்தில் ஸ்வீடன் நாட்டில் ஆர்யா பங்கேற்று வெற்றிப் பெற்ற சர்வதேச சைக்கிள் போட்டி பற்றிய காட்சிகளும் இதில் சேர்க்கப்பட்டுள்ளனவாம்.