ரிட்டயர் ஆகறதுக்குள்ள அஜீத்தோட நடிச்சிடணும்... பிந்து மாதவியின் ஆசை

அஜீத்துடன் நடிக்க வேண்டும் என்று மீடியா முன் கோரிக்கை வைக்கும் நடிகைகள் பட்டியலில் பிந்து மாதவியும் இடம் பிடித்துவிட்டார்.

‘தமிழுக்கு எண் ஒன்றை அழுத்தவும்' என்ற படத்தில் நகுல் ஜோடியாக நடித்து வரும் பிந்து மாதவி, அந்தப் படத்தின் செய்தியாளர் சந்திப்பின் போது மீடியாவுக்கு அளித்த பேட்டியில், "நடிப்பு நான் விரும்பி தேர்வு செய்த துறை. எனவே அனுவித்து நடிக்கிறேன்.

சினிமாவை விட்டு விலகுவதற்குள் ஒரு படத்திலாவது அஜித்துக்கு ஜோடியாக நடித்துவிட வேண்டும் என்று ஆசையாக உள்ளது. காரணம் எனக்கு அவரை ரொம்பவும் பிடிக்கும். தமிழ் சினிமா நடிகர்களில் மிகவும் அழகானவர் அஜித்தான்," என்றார்.

அவரைப் பற்றி வரும் காதல் கிசுகிசுக்கள் குறித்து கூறுகையில், "நான் யாரையும் காதலிக்கவில்லை. தனியாகத்தான் இருக்கிறேன்," என்றார்.