தனக்கு திருமணமாகிவிட்டதாக நடிகை சார்மி ட்விட்டரில் திடீர் அறிவிப்பு

தனக்கு திருமணமாகிவிட்டதாக நடிகை சார்மி ட்விட்டரில் திடீர் அறிவிப்பு வெளியிட்டுள்ளதால் பரபரப்பு கிளம்பியுள்ளது.

ஆனால் யாருடன் திருமணம், எப்போது நடந்தது என்பது குறித்து அவர் எந்த தகவலும் வெளியிடவில்லை.

இது உண்மையிலேயே திருமண செய்திதானா அல்லது பரபரப்பான விளம்பரத்துக்காக அவர் இப்படிச் செய்துள்ளாரா என்று மீடியாவில் கேள்வி எழுந்துள்ளது.

சமீப காலமாகவே இப்படி திடீர் திருமண தகவல்களை வெளியிடுவது, பின்னர் அது குறிப்பிட்ட படத்தின் பிரமோஷனுக்குத்தான் என விளக்கம் கொடுப்பது வாடிக்கையாகிவிட்டது.

ராஜாராணி படத்துக்காக நடிகை நயன்தாரா - ஆர்யா திருமணம் என்று ஒரு வாரம் புரளி கிளப்பி, ஸ்டில் வெளியிட்டு, அதற்கு நயன்தாரா வேறு மறுப்பு தெரிவித்து, பின்னர்தான் எல்லாம் 'ச்சும்மா..லுல்லாயி' என்று விளக்கியது நினைவிருக்கலாம்.

சார்மி விவகாரமும் அப்படித்தானா என்பது நாளை தெரிந்துவிடும்.

சார்மி தற்போது, ‘பத்து எண்றதுக்குள்ள' படத்தில் விக்ரமுடன் முக்கிய கதாபாத்திரத்தில் நடித்து வருகிறார் என்பது ஒரு கூடுதல் தகவல்.