ரகஸ்யா - தனுஷ்யா!

By Staff

| Published: Sunday, November 18, 2007, 13:15 [IST]

Click here for more images

ஆலயம் படத்தின் நாயகி தனுஷ்யா கிளாமரில் ஒரு பக்கம் துள்ளி விளையாட, ரகஸ்யா ஒரு பாட்டுக்கு கிளுகிளுப்பான ஆட்டத்தைப் போட்டுள்ளார்.

ரவிச்சந்தர் என்ற பெயரில் பல படங்களில் சின்னச் சின்ன வேடங்களில் வந்தவர்தான் செம்பி என்ற பெயர் மாற்றம் கண்டு, இப்படத்தில் நாயகனாகியுள்ளார்.

தமிழ்ப் படத் தயாரிப்பாளர்களுக்கும், இயக்குநர்களுக்கும் மிகவும் வேண்டியவர் செம்பி. காரணம், புதுச்சேரி மற்றும் சுற்றுப் புறங்களில் நடைபெறும் படப்பிடிப்புகளுக்கு செம்பிதான் முழு உதவிகளும் செய்வாராம் (காக்க காக்க படத்தில் சூர்யாவின் ஜீப் டிரைவராக வருவார்). இதனால் தமிழ்த் திரையுகினருடன் நெருக்கமான நட்பு கொண்டுள்ள செம்பி இப்போது அவரே நாயகனாகி விட்டார்.

ஆலயம் படத்தில் செம்பிக்கு ஜோடி போடுபவர் தனுஷ்யா. படு சுவாரஸ்யமாக இருக்கிறது தனுஷ்யாவைப் பார்ப்பதே. வழக்கம் போல இவரும் கேரள வரவுதான். கொள்ளை அழகுடன் இருக்கும் தனுஷ்யா, கிளாமரிலும் சிறப்பாக திறமை காட்டுகிறாராம். கிளாசிக்கல் டான்ஸிலும் தனுஷ்யா திறமை வாய்ந்தவராம். அதையும் படத்தில் பொருத்தமாக இணைத்துள்ளனர்.

இதுபோதாதென்று ரகஸ்யாவை வைத்து ஒரு குத்துப் பாட்டை எடுத்துள்ளனர். சமீபத்தில் ஏவி.எம். ஸ்டுடியோவில் வைத்து சுட்டனர். படு கிளாமரான ஆடையில் ரகஸ்யா ஆட, கூடவே செம்பியும் ஆட டான்ஸ் புளோரே குளிர்ந்து போய் விட்டது.

சரி படத்தின் கதை என்ன என்று இயக்குநர் வடிவுடையானிடம் கேட்டபோது, வைரத்தை வைரத்தால்தான் அறுக்க முடியும். அதுபோலவே, வன்முறையை வன்முறையால்தான் வெல்ல முடியும் என்பதுதான் இப்படத்தின் கதை. அதேசமயம், படத்தில் வன்முறை அதிகம் இருக்காது என்றார் வடிவுடையான்.

அவஸ்யம்தான்!