வாவ்...சூப்பர் தகவலா இருக்கே...சந்திரமுகி 2 ல் ஜோதிகா ரோலில் நடிக்கும் டாப் ஹீரோயின்

சந்திரமுகி 2

இந்த படத்தின் இரண்டாம் பாகத்தை இயக்க உள்ளதாக பி.வாசு கடந்த ஆண்டு அறிவித்தார். இதில் லீட் ரோலில் ராகவா லாரன்ஸ் நடிப்பதாகவும் கூறப்பட்டது. இந்த படத்தில் நடிக்க மிகவும் ஆர்வமாக இருப்பதாக லாரன்ஸ் கூறி இருந்தார். லாரன்ஸ் ஏற்கனவே முனி, காஞ்சனா, காஞ்சனா 2, காஞ்சனா 3 போன்ற பேய் படங்களில் நடித்து, இவை அனைத்துமே செம ஹிட் ஆகி உள்ளன.

யாரெல்லாம் நடிக்கிறார்கள்

சந்திரமுகி இரண்டாம் பாகம் பற்றிய அறிவிப்பு வெளியானது முதலே தங்களின் ஃபேவரைட் நடிகர்கள் நடித்த ரோலில் யார் நடிக்க போகிறார்கள் என்ற ஆர்வம் ரசிகர்களிடம் எழுந்தது. ஆனால் மற்ற படக்குழுவினர் பற்றிய அதிகாரப்பூர்வ தகவல் எதுவும் இதுவரை தயாரிப்பாளர்களால் வெளியிடப்படவில்லை.

ஜோதிகா ரோலில் சிம்ரனா

முதலில் ஜோதிகா நடித்த வேடத்தில் சிம்ரன் நடிக்க போவதாக தகவல்கள் பரவின. இது பற்றிய அவரிடம் கேட்ட போது, அப்படி ஒரு ரோலில் நடிக்க தன்னை யாரும் அணுகவில்லை என்றார். சிம்ரன் தற்போது பிரஷாந்த் நடிக்கும் அந்தகன், விக்ரம் நடிக்கும் மகான் ஆகிய படங்களில் நடித்து வருகிறார்.

இவர் தான் நடிக்கிறாரா

இந்நிலையில் லேட்டஸ்ட் தகவலாக, சந்திரமுகி 2 படத்தில் மிக முக்கிய ரோலில் அனுஷ்கா ஷெட்டி நடிக்க போவதாக கூறப்படுகிறது.ஆனால் இவர் ஜோதிகாவின் ரோலில் நடிக்கிறாரா என்பது உறுதியாக தெரியவில்லை. அதே சமயம் இந்த படத்தில் லாரன்ஸிற்கு ஜோடியாகவும் அனுஷ்கா நடிக்கவில்லை என கூறப்படுகிறது.

அப்படி என்ன ரோலில் நடிக்கிறார்

அப்படி என்ன மிக முக்கியமான கேரக்டரில் அனுஷ்கா நடிக்க போகிறார். சந்திரமுகி 2 படத்தின் கதை என்ன என்பதை தெரிந்து கொள்ள ரசிகர்கள் ஆர்வமாக உள்ளனர். அருந்ததி, ருத்ரமாதேவி, பாகுபலி இரண்டு பாகங்களுக்கு பிறகு அனுஷ்கா தமிழில் நடிக்கும் படம் இது என்பதால் மிகுந்த எதிர்பார்ப்பை ஏற்படுத்தி உள்ளது.