காதலர் தினம் அதுவுமா சினேகா கொடுத்த அட்வைஸ்...அதிர்ந்து போன ரசிகர்கள்

நட்சத்திர காதல் தம்பதி

கோலிவுட்டின் அழகான நட்சத்திர காதல் தம்பதியில் இவர்களும் ஒருவர். 2012 ம் ஆண்டு திருமணம் செய்து கொண்ட இவர்களுக்கு ஒரு மகனும், ஒரு மகளும் உள்ளனர். திருமணத்திற்கு பிறகு நடிப்பை தொடர்ந்த சினேகா, தமிழ், தெலுங்கு உள்ளிட்ட பல மொழிகளிலும் தொடர்ந்து நடித்து வருகிறார்.

இருவருமே சினிமாவில் பிஸி

பிரசன்னா தற்போது துப்பறிவாளன் 2 படத்தில் முக்கிய ரோலில் நடித்து வருகிறார். சினேகாவும், டைரக்டர் அருண் வைத்தியநாதன் இயக்கும் ஷாட் பூட் 3 படத்தில் வெங்கட் பிரபுவிற்கு ஜோடியாக நடித்து வருகிறார். இவர்கள் மிக அரிதாகவே தங்களின் தனிப்பட்ட மற்றும் குடும்ப போட்டோக்களை சோஷியல் மீடியாவில் பகிர்வதுண்டு.

சினேகாவின் ஷாக் அட்வைஸ்

அப்படி காதலர் தினத்தை முன்னிட்டு நடிகை சினேகா இன்ஸ்டாகிராமில் க்யூட்டான போட்டோ ஒன்றை பகிர்ந்திருந்தார். அதில் கண்களில் காதல் பொங்க, இருவரும் வெள்ளை நிற டி ஷர்ட்டின் பின்னால் லவ் என எழுதப்பட்ட பிளாக் அண்ட் ஒயிட் போட்டோவை பகிர்ந்துள்ளார். அதோடு, Don't fall in love என கேப்ஷன் பதிவிட்டுள்ளார். இதை பார்த்த ரசிகர்கள் எதற்காக சினேகா இப்படி சொல்கிறார்...என்ன ஆச்சு என கேட்க துவங்கி விட்டனர்.

இதுக்கு தான் அப்படி சொன்னாரா

ஆனால் அதோடு தொடர்ச்சியாக சில புள்ளிகள் வைத்து, Rise in Love என குறிப்பிட்டுள்ளார். ஓ இதைத் தான் இப்படி சொல்ல வந்தாரா என கமெண்ட் செய்துள்ளனர். காதலித்து திருமணம் செய்து கொண்ட சினேகாவே எதற்காக காதலில் விழாதீர்கள் என சொல்கிறாரே என யோசித்தவர்கள் சினேகாவின் இந்த முழு கேப்ஷனையும் படித்து விட்டு லைக்குகளை வாரி வழங்கி வருகின்றனர்.