கவர்ச்சி புயல் சன்னி லியோன் பிறந்தநாள்... வாழ்த்து மழை பொழியும் ரசிகர்கள்

2 நாட்களில் 8000 ஃபாலோவர்கள்

முதல் முறையாக இந்தியில் நடைபெற்ற பிக்பாஸ் சீசன் 5 நிகழ்ச்சி மூலம் இந்தியாவில் பிரபலமானார். அந்த நிகழ்ச்சியின் 49 வது நாளில் வைல்டுகார்டு என்ட்ரியாக நிகழ்ச்சிக்குள் என்ட்ரி ஆனவர், அதற்கு பிறகு மிகவும் பாப்புலர் ஆகி விட்டார். ட்விட்டரில் இவர் கணக்கு துவங்கிய 2 நாட்களில் 8000 பேர் இவரை பின்தொடர துவங்கினர். கூகுளில் அதிகம் தேடப்பட்ட பெயர்களில் சன்னி லியோன் பெயரும் உண்டாம்.

சன்னி லியோன் தமிழ் படங்கள்

இந்திய படங்கள் மட்டுமின்றி நேபாள, வங்கதேச மொழி படங்களிலும் சன்னி லியோன் நடித்துள்ளார். இந்தியாவில் பாலிவுட்டில் Jism 2 என்ற படத்தின் மூலம் அறிமுகமானார். தமிழில் வடகறி படத்தில் நடித்துள்ளார். மலையாளம், கன்னடம், மராத்தி மொழி படங்களில் நடித்த சன்னி லியோன் தற்போது தமிழில் வீரமாதேவி, சீரோ, ஓ மை கோஸ்ட் ஆகிய படங்களில் நடித்து வருகிறார்.

மும்பையில் குடியேறி சன்னி லியோன்

சன்னி லியோன் அமெரிக்காவில் பிறந்தவராக இருந்தாலும் அமெரிக்கா மற்றும் கன்னட குடியுரிமை பெற்றவர். ஆனால் தனது பெற்றோர்கள் இந்தியாவில் வாழ்ந்ததால் ஓவர்சீஸ் சிட்டிசன்ஷிப் வாங்க திட்டமிட்டிருப்பதாக கூறினார். 2012 ம் ஆண்டே இந்தியாவில் குடியேறி விட்டார் சன்னி லியோன். டேனியல் வெபர் என்பவரை திருமணம் செய்து கொண்ட சன்னி லியோனுக்கு 3 குழந்தைகள் உள்ளனர். முதல் குழந்தையை மகாராஷ்டிராவில் ஒரு கிராமத்தில் இருந்து தத்தெடுத்துக் கொண்டனர். பிறகு 2018 ல் வாடகை தாய் மூலம் தங்களுக்கு இரட்டை குழந்தை பிறந்திருப்பதாக டேனியல் அறிவித்தார்.

கோடிக்கணக்கான ரசிகர்கள்

மும்பையில் தனது கணவர் மற்றும் குழந்தைகளுடன் புதிய வீடு ஒன்றில் வசித்து வருகிறார் சன்னி லியோன். கவர்ச்சி நடிகையான சன்னி லியோன், பெயர் சொன்னாலே தெரியும் அளவிற்கு உலகம் முழுவதும் பாப்புலர் ஆகி உள்ளார். இதனால் உலகம் முழுவதும் இவருக்கு கோடிக்கணக்கில் ரசிகர்கள் இருக்கிறார்கள். கவர்ச்சிக்கு பெயர் போன சன்னி லியோன், சமீப காலமாக அதிகமாக பாரம்பரிய உடைகளில் தோன்றிய போட்டோக்களை வெளியிடுவது பலரையும் ஆச்சரியப்படுத்தி உள்ளது.

குவியும் வாழ்த்துக்கள்

இந்த சமயத்தில் சன்னி லியோனின் பிறந்தநாள் கொண்டாடப்படுவதால், திரையுலக பிரபலங்கள், ரசிகர்கள் என ஏராளமானோர் சோஷியல் மீடியாவில் தங்களின் வாழ்த்தை தெரிவித்து வருகின்றனர். அடுத்தடுத்து பல படங்களில் பிஸியாக இருக்கும் சன்னி லியோனிடம் பட அப்டேட்கள் கேட்டு ரசிகர்கள் நச்சரித்து வருகின்றனர்.