சமூக சேவை புரியும் ஹன்சிகா : இளம் சாதனையாளர் விருதுக்கு தேர்வு

ஜூனியர் குஷ்புவான ஹன்சிகா

குழந்தை நட்சத்திரமாக அறிமுகமான ஹன்சிகா 2007ம் ஆண்டு தெலுங்கு படங்களில் ஹீரோயினாக நடிக்கத் தொடங்கினார். அங்கு நம்பர் ஒன் இடத்தைப் பிடித்ததும் "மாப்பிள்ளை" படத்தின் மூலம் தமிழில் அறிமுகமானார். எங்கேயும் காதல், வேலாயுதம், ஒரு கல் ஒரு கண்ணாடி படங்களில் நடித்து ரசிகர்கள் மனதில் ஜூனியர் குஷ்புவாக இடம் பிடித்தார்.

முதலில் சொதப்பல் பின்னர் கலக்கல்

ஆரம்பத்தில் தமிழில் நடித்த படங்கள் சொதப்பினாலும் ஒரு கல் ஒரு கண்ணாடி ராசியான நடிகையாக உயர்த்தியது. இதனைத் தொடர்ந்து பல படங்கள் வரிசையாக புக் ஆகியுள்ளன. இருந்தாலும் எதையும் ஒதுக்கி தள்ளாமல் ஒத்துக்கொண்டார் ஹன்சிகா

ஒரே நேரத்தில் 8 படம்

தற்போது சேட்டை, வாலு, வேட்டை மன்னன், சிங்கம்-2, பிரியாணி, தீயா வேலை செய்யணும் குமாரு, வாலிபன் படங்களில் நடித்து வருகிறார். ஒரே நேரத்தில் 8 படங்களில் நடிக்கும் ஒரே ஹீரோயின் இவர்தான்.ஒரு படத்தில் கூட கால்ஷீட் சொதப்பலில்லை என்பது குறிப்பிடத்தக்கது.

சாதனைகளுக்கு விருது

இந்நிலையில் ஹன்சிகாவின் திரைப்பட சாதனைகள், சமூக சேவைகள் இவற்றை பாராட்டி பிரபல பெண்கள் இதழான ஜே.எப்.டபிள்யூ (ஜஸ்ட் ஃபார் வுமன்) இதழ் ஹன்சிகாவை இளம் சாதனையாளராக தேர்வு செய்து அறிவித்துள்ளது.

சரோஜாதேவி, த்ரிஷா விருது

ஹன்சிகாவுடன் நடிகைகள் சரோஜாதேவி, த்ரிஷா, சமூக சேவகர்கள் சுஜாதா மோகன், அலமேலு வள்ளி, விளையாட்டு வீராங்கனை தீபிகா பல்லிக்கல் விஞ்ஞானி தாமஸ் ஆகியோரும் விருது பெறுகிறார்கள். வரும் மார்ச் 1ந் தேதி சென்னையில் நடக்கும் பிரமாண்ட விழாவில் இந்த விருது வழங்கும் விழா நடைபெறுகிறது.