நான் விஜய் ரசிகையாக்கும்: ஸ்ரீ திவ்யா

தெலுங்கு நாயகி

1987ம் ஆண்டு ஹைதராபாத்தில் பிறந்த ஶ்ரீதிவ்யா ‘பஸ் ஸ்டாப்' உள்ளிட்ட சில தெலுங்குப் படங்களில் நடித்துள்ளார்.

ஊதா கலர் ரிப்பன்

தமிழில் வருத்தப்படாத வாலிபர் சங்கம்' படத்தின் அறிமுகமானார். ஒரே படத்தின் மூலம் தமிழக ரசிகர்களின் மனதில் ஓஹோ என்று உயர்ந்தார். ‘ஊதா கலரு ரிப்பன்' அவரை உச்சத்திற்கு உயர்த்தியது.

வரிசையில் படங்கள்

தமிழில் தொடர்ந்து ‘ஜீவா' படம் ரிலீஸ் ஆகி வெற்றி பெற்றது. விக்ரம் பிரபு உடன் 'வெள்ளக்காரதுரை', சிவகார்த்திக்கேயனுடன் ‘காக்கி சட்டை', ஜி.வி. பிரகாஷ் குமாருடன் 'பென்சில்', மற்றும் ‘ஈட்டி' என இப்போது பிஸியாக இருக்கிறார் ஸ்ரீ திவ்யா.

வெள்ளைக்கார துரை

இதில் ‘வெள்ளக்காரதுரை' படம் வரும் டிசம்பர் 25ம் தேதி கிருஸ்துமஸ் நாளில் வெளியாகிறது. இதில் ஹீரோ உடன் கூடுதல் நெருக்கமாகவும், கொஞ்சம் கவர்ச்சியாகவும் நடித்திருக்கிறாராம்.

விஜய் ரசிகை

இந்நிலையில் சமீபத்தில் சன்டிவியில் பேட்டியளித்த ஸ்ரீதிவ்யா தன்னுடைய பேவரைட் ஹீரோ நடிகர் விஜய் என தெரிவித்துள்ளார்.

விஜய் எனர்ஜிவிஜய் எனர்ஜி

காரணம் கேட்டதற்கு ''விஜய் எனர்ஜியான நடிகர், மேலும் எனக்கு அவரது நடனம் மிகவும் பிடிக்கும்'' என்று கூறினார்.

‘தல’யை சொல்றப்ப

பிடித்த நடிகர் யார் என்று கேட்டால் இன்றைக்கு பெரும்பாலான நடிகைகள் அஜீத் என்றுதான் கூறுகின்றனர். ஆனால் ஸ்ரீ திவ்யாதான் அவர்களிடம் இருந்து மாறுபட்டு விஜயை கூறியுள்ளார். அப்போ விஜய்யின் அடுத்த பட ஹீரோயின் ஸ்ரீ திவ்யாதான் என்று அடித்துக் கூறுகின்றனர் விஜய்யின் ரசிகர்கள்.