'அவர் ஜீனியஸ், நம் சினிமாவுக்கு அவர் பங்களிப்பே வேற' சர்ச்சை இயக்குனரை சரமாரியாக பாராட்டும் ஹீரோயின்

உண்மை சம்பவங்கள்

இந்த படம் தமிழிலும் வெளியானது. ஆனால், பெரிய வரவேற்பை பெறவில்லை. தமிழில் மணிரத்னம் இயக்கிய திருடா திருடா, வின்சென்ட் செல்வா இயக்கிய ஜித்தன் ஆகிய படங்களின் கதை, இவர் எழுதியதுதான். பல்வேறு உண்மை சம்பவங்களை படமாக்கி வரும் இவர் அடுத்து, ஐதராபாத்தில் நடந்த திஷா பாலியல் வன்கொடுமை விவகாரத்தை படமாக்க இருக்கிறார்.

இஷா கோபிகர்

இதுபற்றி அவர் தனது சமூக வலைத்தளப் பக்கத்தில் தெரிவித்து இருந்தார். இந்நிலையில் ராம்கோபால் வர்மாவின் வெப் சீரிஸில் நடித்துள்ளதாகத் தெரிவித்துள்ளார், நடிகை இஷா கோபிகர். இவர் தமிழில், காதல் கவிதை, என் சுவாசக் காற்றே, நெஞ்சினிலே படங்களில் நடித்தவர். நீண்ட இடைவெளிக்குப் பிறகு இப்போது சிவகார்த்திகேயனின் அயலான் படத்தில் நடித்து வருகிறார்.

நான்கு இயக்குனர்கள்

இஷா கோபிகர், ஏற்கனவே ராம்கோபால் வர்மாவின் இந்தி படமான 'கம்பெனி'யில் நடித்திருந்தார். கேங்ஸ்டர் படங்களுக்கு உதாரணமாக அந்தப் படம் இன்றும் இருக்கிறது. வெப்சீரிஸில் நடித்தது பற்றி அவர் கூறும்போது, அதில் நான் நடிக்க வேண்டிய பெரும்பாலான காட்சிகள் முடிந்துவிட்டது. இந்த தொடரை நான்கு இயக்குனர்கள் இயக்குகிறார்கள். ராம்கோபால் வர்மா தொகுத்து வழங்குவார்.

அவர் ஜீனியஸ்

மொத்த ஷூட்டிங்கையும் முடித்துவிட்டு, அதை வர்மாவிடம் கொடுத்துவிட வேண்டும். போஸ்ட் புரொடக்‌ஷன் வேலைகளை அவர் கவனித்துக் கொள்வார் என்கிற இஷா கோபிகர், ராம் கோபால் வர்மாவை புகழ்ந்துள்ளார். அவர் ஒரு ஜீனியஸ். இந்திய சினிமாவுக்கு சில கல்ட் திரைப்படங்களை தந்திருக்கிறார். நான் பார்த்த முதல் இந்தி ஹாரார் படம், ராத். அவர் இயக்கியது. அடுத்து, பூட், ரங்கீலா, சத்யா உட்பட பலவித ஜானர்களில் அவர் படம் இயக்கி இருக்கிறார் என்று கூறியுள்ளார்.