மாரி நாயகி காஜலின் 29வது பிறந்தநாள் இன்று

சென்னை: 1985 ம் ஆண்டு ஜூன் மாதம் 19 ம் தேதி மும்பையில் சுமன் அகர்வால் - வினய் அகர்வால் தம்பதியினருக்கு மூத்த மகளாகப் பிறந்த காஜல் அகர்வால் இன்று தனது 29 வது வயதில் அடியெடுத்து வைக்கிறார்.

கல்லூரிப் படிப்பை மும்பையில் முடித்த காஜல் விளம்பரப் படங்களின் மூலம் திரைத் துறையில் அடியெடுத்து வைத்தார். 2004 ம் ஆண்டில் கியூன் ஹோ கயா நா என்னும் இந்தித் திரைப் படத்தில் நடிகை ஐஸ்வர்யா ராயின் தோழியாக வெள்ளித்திரையில் அறிமுகமானார்.

2007 ம் ஆண்டில் லட்சுமி கல்யாணம் திரைப்படத்தின் மூலம் தெலுங்கு திரையுலகில் அறிமுகமான காஜலுக்கு,லட்சுமி கல்யாணம் பெரிய அளவில் கைகொடுக்கவில்லை. எனினும் அதே ஆண்டின் இறுதியில் வெளிவந்த சந்தமாமா படம் ஹிட்டடித்து இவரின் தெலுங்கு பிரவேசத்திற்கு விளக்கு ஏற்றிவைத்தது.

தமிழில் பாரதிராஜாவின் மூலமாக

பல முன்னணி நட்சத்திரங்களை தமிழில் அறிமுகப்படுத்திய இயக்குநர் பாரதிராஜா தனது பொம்மலாட்டம் திரைப்படத்தின் மூலமாக தமிழில் காஜலை கதாநாயகியாக அறிமுகப் படுத்தினார்.

முந்திக் கொண்ட பழனி

அறிமுகமான படம் பொம்மலாட்டம் என்றாலும் தமிழில் காஜலின் நடிப்பில் வெளிவந்த முதல் படம் படம் பழனி. இயக்குநர் பேரரசுவின் இயக்கத்தில் பரத் ஜோடியாக நடித்த பழனி திரைப்படம் பெரிய அளவில் பேசப்படவில்லை.

தமிழ் தெலுங்கில் ஒருசேரக் கைகொடுத்த மகதீரா

2009 ம் ஆண்டில் இயக்குநர் ராஜமௌலி இயக்கிய மகதீரா படம் தமிழ் மற்றும் தெலுங்கில் ஒருசேர வெளிவந்தது. இளவரசி மித்ரா தேவியாக நடிகர் ராம் சரணுக்கு ஜோடியாக காஜல் நடித்து வெளிவந்த இந்தப்படம் ஒரேநாளில் தமிழ் மற்றும் தெலுங்கில் காஜலின் மார்க்கெட்டை உச்சத்திற்கு கொண்டு சென்றது.

தெலுங்கில் முன்னணி நாயகி

மகதீரா படத்தின் வெற்றியால் தொடர்ந்து பிசினஸ்மேன், மிஸ்டர் பர்பெக்ட், பிருந்தாவனம் போன்ற படங்களின் மூலம் குறுகிய காலத்திலேயே தெலுங்கின் முன்னணி நடிகையாக மாறிவிட்டார்.

இந்தியிலும் வெற்றி நடிகை

அறிமுகமான இந்திப் படம் தோல்வி அடைந்தாலும் மீண்டும் சிங்கம் படத்தின் இந்தி ரீமேக்கில் நடித்து அந்தப் படத்தின் வெற்றி மூலம் இந்தியிலும் கால் பதித்தார். இவர் தொடர்ந்து நடித்த ஸ்பெஷல் 26 படமும் வெற்றி பெற இந்தியிலும் வெற்றி நாயகியாக மாறி விட்டார் காஜல்.

தமிழில் முன்னணி நாயகி

நடிகர் கார்த்தியின் ஜோடியாக நான் மகான் அல்ல படத்தின் மூலம் பல வருடங்கள் கழித்து தமிழில் மீண்டும் நடிக்க வந்த காஜல் படத்தின் வெற்றியால் தொடர்ந்து துப்பாக்கி, மாற்றான் மற்றும் ஜில்லா போன்ற படங்களில் நடித்து தமிழிலும் முன்னணி நாயகியாக உயர்ந்தார்.

தனுஷுடன் மாரியில்

தற்போது நடிகர் தனுஷின் ஜோடியாக மாரி, விஷாலின் ஜோடியாக பாயும் புலி போன்ற படங்களில் நடித்துக் கொண்டிருக்கிறார். தெலுங்கிலும் பல படங்கள் காஜல் கைவசம் உள்ளது.

பிறந்த நாள் வாழ்த்துக்கள் காஜல்.......

காஜல் அகர்வால்

English summary

Today Actress Kajal Agarwal’ s 29th Birthday( Born on June 19, 1985), Kajal Aggarwal is now one of the most sought after heroines of the tinsel town. Her big break came in 2009 with the Ram Charan Teja-starrer Magadheera and she hasn’t looked back since. Kajal has starred in various blockbusters such as Darling,Brindavanam, Mr Perfect,Businessman and Naayak. Kajal Aggarwal’s Tamil career seems to be on a roll too as the star along with Illaya Thalapathy Vijay gave 2013′s biggest hit Thuppakki. She also made a talked about return to Bollywood with Singham in 2011 and tasted success in Akshay Kumar’s Special 26.

Story first published: Friday, June 19, 2015, 10:58 [IST]

Other articles published on Jun 19, 2015