பக்குவமான 35... முதுமைச் சுருக்கம் அழகோ அழகோ... சொல்கிறார் கரீனா கபூர்!

Published: Tuesday, March 17, 2015, 10:27 [IST]

மும்பை: 35 வயது என்பது மிகப் பக்குவமான வயது என்றும், அந்த வயதில் தோன்றும் முதுமைச் சுருக்கங்களும் ஒரு அழகு தான் எனத் தெரிவித்துள்ளார் நடிகை கரீனா கபூர்.

பிரபல ஹிந்தி நடிகையான கரீனா கபூர் தற்போது கபீர் கானின் பஜ்ரங்கி பைஜான் மற்றும் அபிஷேக் சௌபேயின் உத்டா பஞ்சாப் ஆகிய படங்களில் நடித்து வருகிறார். மற்ற நடிகைகளில் இருந்து வேறுபட்டு நடிப்பில் மட்டுமே தன் முழுக் கவனத்தையும் செலுத்தி நடித்து வருகிறார் இவர்.

இந்நிலையில், கடந்த மாதம் கரீனா தனது 35வது பிறந்தநாளைக் கொண்டாடினார்.

35 வயதினிலே...

இது தொடர்பாக கரீனா கூறுகையில், ‘ஆமாம் என் வயது 35 தான். இதை நான் மறைக்க எந்த அவசியமும் இல்லை.

பக்குவமான வயது...

இந்தப் பருவம் மிகவும் அழகானது. மிகவும் பக்குவமான இந்த வயதை நான் ஏன் மறைக்க வேண்டும்?

ஆண்களின் முகச் சுருக்கம்...

சில ஆண்கள் முகச் சுருக்கங்களோடு இருந்தாலும் அவர்கள் செக்சியாகவும், அறிவாளிகளாகவும் இருக்கிறார்கள். எனவே, நான் மட்டும் ஏன் எப்போதும் 18 அல்லது 22 வயது பெண்ணாகவே இருக்க வேண்டும்.