நீங்க விட்டுடுங்க, நானும் விட்டுடுறேன்: லக்ஷ்மி மேனன்

திருவனந்தபுரம்: மக்கள் புகைப்பிடிக்கும் பழக்கத்தை விட்டுவிட நடிகை லக்ஷ்மி மேனன் புதிய இயக்கத்தை துவங்கியுள்ளார்.

பேரழகி என்று கூற முடியாது. ஆனால் பக்கத்து வீட்டு பெண் போன்று இருக்கும் லக்ஷ்மி மேனன் கோலிவுட் ரசிகர்களின் மனதில் இடம் பிடித்துவிட்டார்.

அவர் ப்ளஸ் டூ தேர்வு எழுத கேரளா சென்றுள்ளார். இந்நிலையில் அவர் நடிப்புக்கு முழுக்கு போட்டுவிட்டதாக செய்தி பரவியது. ஆனால் அவரோ தேர்வுக்கு மத்தியில் பொதுநலனில் அக்கறை காட்டியுள்ளார்.

இது குறித்து லக்ஷ்மி மேனன் ஃபேஸ்புக்கில் கூறியிருப்பதாவது,

புகைப்பிடிக்கும் பழக்கத்திற்கு எதிராக ஒரு இயக்கம் துவங்கப்பட்டுள்ளது. உங்களின் அன்பானவர்கள் புகைப்பிடிக்கும் பழக்கத்தை கைவிட நீங்கள் உங்களிடம் உள்ள ஏதாவது கெட்ட பழக்கத்தை விட்டுவிடுங்கள். நீங்கள் புகைப்பிடிக்கும் பழக்கத்தை விட நான் என் கெட்ட பழக்கங்கள் சிலவற்றை விடுகிறேன். இந்த தகவலை அதிகமாக பகிருங்கள் என்று கூறி நீங்கள் விட்டுவிடுங்கள், நானும் விட்டுவிடுகிறேன்(U quit, I quit) என்று வாசகம் அடங்கிய பேப்பருடன் தான் போஸ் கொடுத்துள்ள புகைப்படத்தை வெளியிட்டுள்ளார்.