சித்திக் படத்தில் நடிக்க சம்பளத்தை ஒரேயடியாக குறைத்து நயன் போட்ட கன்டிஷன்

சென்னை: பாஸ்கர் தி ராஸ்கல் படத்தில் நடிக்க நயன்தரா இயக்குனர் சித்திக்கிற்கு ஒரேயொரு நிபந்தனை விதித்துள்ளாராம்.

கோலிவுட்டின் முன்னணி நடிகையாக உள்ளவர் நயன்தாரா. கை நிறைய படங்கள் வைத்துள்ளார். மேலும் வாய்ப்புகள் வந்து குவிகின்றது. அவர் ஒரு படத்திற்கு ரூ.2 கோடி சம்பளம் வாங்குகிறார். நானும் ரவுடி தான் படத்திற்கு ரூ.3 கோடி சம்பளம் வாங்கியுள்ளாராம்.

நயன்தாரா தனது தாய் மொழியான மலையாளப் படங்களில் நடிக்க ஆர்வம் காட்டுவது இல்லை. காரணம் அங்கு சம்பளம் மிகக் குறைவு. இந்நிலையில் தான் சித்திக் தான் இயக்கும் பாஸ்கர் தி ராஸ்கல் மலையாள படத்தில் நடிக்குமாறு நயன்தாராவை கேட்டார். அந்த படத்தில் நடிக்க நயன்தாராவுக்கு ரூ.40 லட்சம் தான் சம்பளம். இருப்பினும் அவர் நடிக்க ஒப்புக் கொண்டார்.

இயக்குனர் சித்திக்கின் படம் என்ற காரணத்திற்காக அதில் நடிக்க ஒப்புக் கொண்டார். மேலும் சித்திக்கிற்கு நயன்தாரா ஒரேயொரு நிபந்தனை விதித்துள்ளாராம். அதாவது பாஸ்கர் தி ராஸ்கல் படத்தை பிற மொழிகளில் ரீமேக் செய்யும்போது அதிலும் தன்னையே ஹீரோயினாக்க வேண்டும் என்று நிபந்தனை விதித்துள்ளாராம்.

சித்திக் இயக்கிய பாடிகார்ட் படம் இந்தி, தமிழ், தெலுங்கு ஆகிய மொழிகளில் ரீமேக் செய்யப்பட்டு வெற்றி கண்டது என்பது குறிப்பிடத்தக்கது.