நயன்தாராவும் நேசமான 5 பேய்களும்...

லேடி சூப்பர் ஸ்டார்

தமிழ் சினிமாவில் ஐயா படத்தின் மூலம் அறிமுகமாகி தற்போது லேடி சூப்பர் ஸ்டார் என்று சொல்லும் அளவிற்கு புகழின் உச்சியில் நிற்கும் நடிகையாக திகழ்ந்து வருகிறார் நயன்தாரா. இவரது இரண்டாவது இன்னிங்ஸ்தான் வெற்றிகரமான படங்களை அளித்துள்ளது.

2015ல் வெற்றிப் படங்கள்

இந்த ஆண்டில் வெளியான மாயா, தனி ஒருவன், நானும் ரவுடிதான் ஆகிய படங்கள் தொடர் வெற்றியையும் பெற்றது இதன் மூலம் வெற்றி படங்களின் கதாநாயகியாக மாறியிருக்கிறார் நயன்தாரா.

புதிய திகில் படம்

இவரது நடிப்பில் இந்த வருடம் வெளியான மாயா திரைப்படத்தில் சோலோ ஹீரோயினாக தனது வெற்றியை நிலைநாட்டினார் தற்போது மீண்டும் ஒரு புதிய திகில் படத்தில் நடிக்க ஒப்பந்தம் செய்யப்பட்டுள்ளாராம் நயன்தாரா. இதிலும் நாயகிக்கு முக்கியத்துவம் கொண்ட திகில் கதைக்களமாக இந்த படத்தை உருவாக்கவிருக்கிறார்களாம் படக்குழுவினர்.

அதிரடி அச்சுறுத்தல்

இப்படத்தை களவாணி, வாகை சூடவா ஆகிய படங்களை இயக்கிய சற்குணம் தயாரிக்கிறார். இப்படத்தை சற்குணத்தின் உதவியாளர் தாஸ் ராமசாமி இயக்கவுள்ளார். நயன்தாரா இதையும் வெற்றிப்படமாக்குவார் என்கின்றனர் படக்குழுவினர்.

ரெடியாக உள்ள படங்கள்

நயன்தாரா நடிப்பில் தற்போது திருநாள், இது நம்ம ஆளு படங்கள் விரைவில் வெளியாக தயராகவுள்ளது, மேலும் தற்போது படப்பிடிப்பில் இருக்கும் இதர படங்களை முடித்துவிட்டு இந்த படத்தில் நயன்தாரா நடிப்பர் என்றும் எதிர்ப்பார்க்கப்படுகிறது.

5வது பேய் படம்

மலையாளத்தில் பேய் படமொன்றில் நடித்த நயன்தாரா, தமிழில் ரஜினிகாந்துடன் சந்திரமுகி, சூர்யாவுடன் மாசு என்கிற மாசிலாமணி, மாயா போன்ற திகில் படங்களில் நடித்து இருக்கும் நயன்தாரா மேலும் ஒரு பேய் படத்தில் நடிக்க தயாராகிவிட்டார். பேய் படங்களில் நடிப்பது எனக்கு பழகிவிட்டது என்கிறார் நயன்தாரா. இது எப்படி இருக்கு?