இரட்டை வேடம் போடும் நீத்து சந்திரா!

கொஞ்ச நாள் தமிழ் சினிமாவில் காணாமல் போயிருந்த நீத்து சந்திராவை மீண்டும் லைம் லைட்டில் கொண்டு வந்தது என்னம்மா இப்படி பண்றீங்களேம்மா வீடியோதான்.

கடைசியாக அவர் நடித்த பெரிய படம் அமீரின் ஆதி பகவன். வேறு படங்களே இல்லாத நிலை. இப்போது பெரிய படம் ஒன்றில் இரட்டை வேடத்தில் நடிக்கிறார்.

‘எல்லாம் அவன் செயல்', ‘என் வழி தனி வழி' ஆகிய படங்களை இயக்கிய ஷாஜி கைலாஸ், இந்த இரண்டு படங்களின் ஆர்.கே. இணையும் புதிய படத்தில்தான் நீத்து இரட்டை வேடம் போடுகிறார்.

இப்படத்திற்கு ‘வைகை எக்ஸ்பிரஸ்' என்று பெயர் வைத்துள்ளனர். இதன் பூஜை வருகிற 16-ந் தேதி ஏ.வி.எம். திரையரங்கில் நடைபெறவிருக்கிறது. இனியா, சுஜா வாருணி, கோமல் சர்மா உள்ளிட்டோரும் இப்படத்தில் நடிக்கிறார்கள்.

இப்படத்தை ஆர்.கே. பிரம்மாண்டமாக தயாரிக்கிறார்.