கையில் சிகரெட்...வாயில் புகை...செம ஊது ஊதும் பேட்ட நடிகை...வச்சு செய்யும் நெட்டிசன்கள்

மேடம் செம பிஸி

சிம்புவுடன் வந்தா ராஜாவா தான் வருவேன், தனுஷுடன் என்னை நோக்கி பாயும் தோட்டா ஆகிய படங்களில் நடித்துள்ளார். தற்போது விஜய் சேதுபதியுடன் யாதும் ஊரே யாவரும் கேளீர், விஜய் ஆன்டனியின் மழை பிடிக்காத மனிதன் உள்ளிட்ட 5 படங்களில் செம பிஸியாக நடித்து வருகிறார்.

சொந்த தயாரிப்பு படம்

26 வயதாகும் அழகு தேவதையான மேகா, தற்போது புதிய படம் ஒன்றில் லீட் ரோலில் நடிக்கிறாராம். பெயரிடப்படாத இந்த படத்தை தயாரிப்பது மேகாவின் அம்மா பிந்து ஆகாஷ் தான். இந்த படத்தை அபிமன்யு ரெட்டி இயக்குகிறார். இவர் சூசந்த் ரெட்டியிடம் அசிஸ்டென்டாக பணியாற்றியவர் ஆவார். இது நாயகியை மையமாகக் கொண்ட படம் என கூறப்படுகிறது.

போஸ்டரால் வந்த வினை

இந்நிலையில் காதலர் தினத்தை முன்னிட்டு தான் நடிக்கும் புதிய படத்தின் போஸ்டரை சோஷியல் மீடியாவில் பகிர்ந்திருந்தார் மேகா. இந்த போஸ்டர் தான் தற்போது இவருக்கு வினையாகி உள்ளது. எல்லோரும் காதலர் தினத்திற்காக பலவிதமான சுவாரஸ்யமான போட்டோ, வீடியோவை வெளியிட்டிருக்கிறார்கள் என்றால் இவர் புதிய பட போஸ்டர் என்ற பெயரில் புதிய சிக்கலை உருவாக்கி உள்ளார்.

செம ஊது ஊதுறாரே

மேகா வெளியிட்ட போஸ்டரில் ஒரு கையில் சிகரெட், முகமே தெரியாத அளவிற்கு வாய் முழுவதும் புகையுடன் ஊதித் தள்ளுவதாக போஸ் கொடுத்திருக்கிறார். ஏற்கனவே கையில் சரக்கு பாட்டிலுடன் இருக்கும் 90 எம்எல் போஸ்டரை வெளியிட்டு தான் ஓவியா சினிமாவை விட்டே ஒதுங்கி இருக்கும் நிலைக்கு ஆளாகி உள்ளார். தற்போது மேகா ஆகாஷ் இப்படி புகையை ஊதித்தள்ளும் போஸ்டரை பார்த்து நெட்டிசன்கள் திட்டி தீர்த்து வருகின்றனர்.

Recommended Video

குஷி JOTHIKA மாதிரி கேக்குறாங்க | ACTRESS MEGHA AKASH CHAT PART - 03 | Filmibeat Tamil

இன்னும் என்னவெல்லாம் நடக்க போகுதோ

ரஜினி, தனுஷ், விஜய் தொடங்கி சமீபத்தில் மாநாடு படத்தில் எஸ்.ஜே.சூர்யா வாயில் சிகரெட்டுடன் வரும் காட்சிகளுக்கு கடும் எதிர்ப்பு கிளம்பி, இனி இது போல் காட்சிகளில் நடிக்க மாட்டோம் என டாப் நடிகர்களே முடிவெடுத்துள்ள நிலையில், இளம் நடிகையான மேகா பட போஸ்டரிலேயே இப்படி செய்திருக்கிறாரே. இனி படம் எப்படி இருக்குமோ...அதில் இன்னும் என்ன காட்சி எல்லாம் இருக்க போகிறதோ என பலர் தலையில் அடித்துக் கொள்கிறார்கள்.