பாயும் புலியில் விஷாலுடன் குத்தாட்டம் போடும் நிகிதா

கன்னடத்தில் பிஸி

நீண்ட காலமாக கன்னட மொழிப் படங்களில் பிசியாக நடித்து வந்த நிகிதா தற்போது தமிழில் மீண்டும் ஒரு பாடலுக்கு குத்தாட்டம் ஆடிவுள்ளார்.

விஷால் உடன் ஆட்டம்

சுசீந்திரன் இயக்கத்தில் விஷால்-காஜல் அகர்வால் ஜோடியாக நடித்து வரும் ‘பாயும் புலி படத்தில் விஷாலுடன் இணைந்து ஒரு குத்துப்பாட்டுக்கு நடனம் ஆடியுள்ளதாக தகவல்கள் வெளியாகியுள்ளன.

சரோஜாவில் ஆட்டம்

இவர் ஏற்கனவே வெங்கட் பிரபு இயக்கிய ‘சரோஜா' படத்தில் ‘கோடான கோடி...' என்ற பாடலுக்கு குத்தாட்டம் ஆடினார். இது ரசிகர்கள் மத்தியில் பெரும் வரவேற்பு பெற்றது. மேடைகளிலும் ரியாலிட்டி ஷோக்களிலும் அந்த நடனம் இன்றைக்கும் ஆடப்பட்டு வருகிறது.

மார்க்கெட்டில் ஆட்டம்

பாயும் புலி படத்தில் இமான் இசையமைத்துள்ள பாடலுக்கு சென்னை பின்னி மில்லியில் மார்க்கெட் போன்று செட் அமைத்து பாடல் காட்சியை படமாக்கி வருகிறார்கள். இதில் விஷாலுடன் ஆடியுள்ளார் நிகிதா. இப்பாடலும் ‘கோடான கோடி...' பாடல் போல் அதிகம் வரவேற்பு பெறும் என்று தமிழ் சினிமா உலகில் பேசப்பட்டு வருகிறது.