கொரோனா க்ளியர் ஆகிடுச்சு.. ரகுல் ப்ரீத் சிங் ட்வீட்.. ஆரோக்கியத்துடன் புத்தாண்டை கொண்டாட முடிவு!

ரகுலுக்கு கொரோனா

மாலத்தீவில் இருந்து திரும்பியதும் விளம்பர படங்கள், ஷூட்டிங் என பிசியாக இருந்த ரகுல் ப்ரீத் சிங்குக்கு கொரோனா வைரஸ் பரவியதாக தனது ட்விட்டர் பக்கத்தில் கடந்த டிசம்பர் 22ம் தேதி அறிவித்தார் ரகுல் ப்ரீத் சிங். அவரது ரசிகர்கள் விரைவில் குணமடைய வேண்டும் என பிரார்த்தனை செய்தனர்.

பிரபலங்கள் வாழ்த்து

நடிகை ரகுல் ப்ரீத் சிங்குக்கு கொரோனா தொற்று பரவிய செய்தி அறிந்து அதிர்ச்சி அடைந்த சினிமா பிரபலங்களும் ரசிகர்களும் சீக்கிரம் அவர் குணமாக வேண்டும் என வாழ்த்தினர். ரசிகர்கள் பிரார்த்தனை செய்தனர். சத்தான உணவுகளை உட்கொள்ளுமாறு அறிவுறைகளும் வழங்கப்பட்டது.

யோகா எக்ஸ்பர்ட்

நடிகை ரகுல் ப்ரீத் சிங் உடற்பயிற்சி செய்வதிலும், யோகவிலும் எக்ஸ்பர்ட்டாக திகழ்ந்து வருபவர். ஏகப்பட்ட யோகா வீடியோக்களை இந்த கொரோனா லாக்டவுனில் தனது ரசிகர்களுக்காக இன்ஸ்டாகிராம் பக்கத்தில் பதிவிட்டு வந்தார். இப்படி அதீத உடற்பயிற்சி செய்து இம்யூன் சிஸ்டத்தை வலுப்படுத்தி வைத்திருக்கும் ரகுலுக்கு சீக்கிரமே கொரோனா சரியாகி விடும் என ரசிகர்கள் எதிர்பார்த்தனர்.

போயே போச்சு

இந்நிலையில், ஒரே வாரத்தில் தனக்கு கொரோனா நெகட்டிவ் ஆகிடுச்சு என்கிற சந்தோஷமான செய்தியை இன்று தனது ரசிகர்கள் மற்றும் சினிமா உலக நண்பர்களுக்காக தெரிவித்துள்ளார் ரகுல் ப்ரீத் சிங். மேலும், வரும் புத்தாண்டை நல்ல ஆரோக்கியத்துடன் பாதுகாப்பாக கொண்டாட முடிவு செய்துள்ளேன் என்றும் பதிவிட்டுள்ளார்.

ரசிகர்கள் ஹேப்பி

கொரோனா பரவலில் இருந்து நடிகை ரகுல் ப்ரீத் சிங் மீண்டுள்ள நிலையில், அவரது ரசிகர்கள் ரொம்பவே ஹேப்பி ஆகி உள்ளனர். எங்கே போனாலும், மாஸ்க் போட்டுக் கொண்டு ரொம்ப பத்திரமாக செல்லுங்கள், ஷூட்டிங் ஏரியாவில் உரிய பாதுகாப்பு இருக்கிறதா? என்பதை உறுதி செய்து கொள்ளுங்கள் என்றும் அக்கறையோடு ரசிகர்கள் பதிவிட்டு வருகின்றனர்.