மாநாட்டில் சிம்புவுக்கு ஜோடியாகும் வெற்றி நாயகி?

மாநாடு

மாநாடு படத்திற்காக சிம்பு மார்ஷியல் ஆர்ட்ஸ் கற்றுக் கொள்ள உள்ளார். இதற்காக அவர் பாங்காக்கிற்கு செல்கிறார். இந்நிலையில் மாநாடு படத்தில் சிம்புவுடன் ஜோடி சேரப் போவது யார் என்பது தெரிய வந்துள்ளது.

ராஷி கன்னா

இமைக்கா நொடிகள் படம் மூலம் கோலிவுட் வந்த ராஷி கன்னா தான் சிம்புவுக்கு ஜோடியாக நடிக்கப் போவதாக தகவல் வெளியாகியுள்ளது. அவர் தற்போது விஷால் ஜோடியாக அயோக்யா படத்தில் நடித்துக் கொண்டிருக்கிறார் என்பது குறிப்பிடத்தக்கது.

அடங்க மறு

அண்மையில் ஜெயம் ரவி நடிப்பில் வெளியாகி ஹிட்டான அடங்க மறு படத்தின் ஹீரோயின் ராஷி கன்னா தான். முதல் படமும், இரண்டாவது படமும் ஹிட்டான மகிழ்ச்சியில் உள்ளார் அவர். இந்நிலையில் அவருக்கு மாநாடு படத்தில் நடிக்கும் வாய்ப்பு கிடைத்துள்ளது.

அதிகாரப்பூர்வ அறிவிப்பு

பொங்கலுக்கு பிறகு மாநாடு படத்தில் நடிப்பவர்கள் குறித்து அதிகாரப்பூர்வ அறிவிப்பு வெளியிடப்படும் என்று இயக்குனர் வெங்கட் பிரபு தெரிவித்துள்ளார். மாநாடு படத்தின் திரைக்கதை எழுதும் பணி இறுதி கட்டத்தை எட்டியுள்ளதாம். படத்தில் சிம்பு அரசியல் பேசப் போவதால் எதிர்பார்ப்பு அதிகம் உள்ளது.