சமந்தாவின் நல்ல மனசு 70 இதயங்களை இயங்க வச்சிருக்கு!

சமந்தாவின் உதவிகள்

இப்போது சமந்தாவும் தன் வருமானத்தை ஏழைகளுக்கு செலவிடும் பணியில் இறங்கியுள்ளார். சாதாரண குடும்பத்திலிருந்து வந்த பெண் என்பதால், இப்போது நன்றாக சம்பாதிக்கும் காலத்தில் இல்லாதவர்களுக்கு வழங்குவோம் என்ற நோக்கத்துடன் உதவிகளைச் செய்ய ஆரம்பித்துள்ளார்.

70 பேருக்கு

சமீபத்தில் அவர் ஒரு அறக்கட்டளை அமைத்து அதன் மூலம் உதவி வருகிறார்.

இதுவரை 70 பேருக்கு இருதய அறுவைச் சிகிச்சைக்கான முழு செலவையும் சமந்தாவின் இந்த அறக்கட்டளை செய்துள்ளது.

சொந்தப் பணம்

"இந்தப் பணம் முழுக்க முழுக்க என் வருமானத்தில் வந்த சொந்தப் பணம். இப்போது 70 பேருக்கு உதவியுள்ளேன். உண்மையிலேயே உதவி தேவைப்படுவோருக்கு மேலும் கூட உதவப் போகிறேன்," எனும் சமந்தா, கல்வி உதவி தேவைப்படுவோருக்கும் உதவப் போகிறாராம்.

அடுத்து..?

சமந்தா நடித்த தெறி படம் தமிழில் நல்ல வரவேற்பு பெற்றுள்ளது. அடுத்து அவரது 24 படம் வெளியாகிறது. இதில் அவர் சூர்யா ஜோடியாக நடித்துள்ளார்.

அடுத்து வட சென்னையில் தனுஷ் ஜோடியாக நடிக்கவிருக்கிறார்.