10 எண்றதுக்குள்ள... கிராமத்து நேபாளியாக நடிக்கும் சமந்தா!

சென்னை: விஜய் மில்டன் இயக்கத்தில் விக்ரம் ஜோடியாக நடித்து வருகிறார் சமந்தா. இப்படத்தில் அவருக்கு இரட்டை வேடம். அதில் ஒன்று நேபாளி கேரக்டராம். மற்றொன்று நகரத்து பெண் கேரக்டராம்.

ஐ படத்தைத் தொடர்ந்து விஜய் மில்டன் இயக்கத்தில் ‘10 எண்றதுக்குள்ள'. இப்படம் நெடுஞ்சாலை பயணத்தை மையமாக வைத்து உருவாகி வருகிறது. இக்கதைக்காக இந்தியாவில் பல்வேறு வித்தியாசமான இடங்களில் படப்பிடிப்பை நடத்தியுள்ளனர்.

வழக்கமாக விக்ரம் தான் தனது படங்களில் வித்தியாசம் காட்டுவார். ஆனால், விக்ரமின் இப்படத்தில் சமந்தா இரட்டை வேடத்தில் நடித்து வருகிறார். அதில் ஒன்று கிராமத்து நேபாளி பெண் போன்ற ஒரு தோற்றமாம். இது தொடர்பான காட்சிகள் சமீபத்தில் படமாக்கப் பட்டுள்ளது. இதற்காக நேபாளிகளின் பாரம்பரிய உடையணிந்து சமந்தா நடித்துள்ளார்.

தற்போது நேபாளில் படத்தின் முக்கியமான காட்சிகளையும், ரிஸ்க்கான சண்டைக் காட்சிகளையும் படமாக்க உள்ளனர். ஏப்ரல் 15-ந் தேதி வரை இங்கு படப்பிடிப்பை நடத்த திட்டமிட்டுள்ளனர்.