ஆண் குழந்தைக்கு அம்மாவானார் சமீரா ரெட்டி

சென்னை: வாரணம் ஆயிரம் படப் புகழ் சமீரா ரெட்டி நேற்று அழகான ஆண் குழந்தையை மருத்துவமனையில் பெற்றெடுத்தார். தமிழில் நடிகர் சூர்யாவின் வாரணம் ஆயிரம் படத்தில் இயக்குனர் கௌதம் மேனனால் அறிமுகப் படுத்தப் பட்டவர் நடிகை சமீரா ரெட்டி.

வாரணம் ஆயிரம் படத்தில் சூர்யாவுடன் நடித்து தமிழ் ரசிகர்களின் மனதக் கொள்ளை கொண்ட இவர் தொடர்ந்து கௌதம் மேனனின் நடுநிசி நாய்கள் என்ற திகில் படத்தில் அறிமுக நாயகனுக்கு ஜோடியாக நடித்தார்.

தமிழில் பெரிதாக ஒரு ரவுண்டு வருவார் என்று அனைவராலும் எதிர்பார்க்கப் பட்ட சமீரா தொடர்ந்து நடித்த படங்கலான அசல், வெடி, வேட்டை போன்ற படங்கள் வியாபார ரீதியாக தோல்வி அடைந்ததால் நடிப்பதை நிறுத்திவிட்டு கடந்த வருடம் அக்சய் ரெட்டிஎன்பவரைத் திருமணம் செய்து கொண்டார்.

2002 ம் ஆண்டு மைனே கில் துஜ்கோ தியா என்ற ஹிந்தி படத்தில் அறிமுகமான சமீரா 12 வருடங்களில் தமிழ்,தெலுங்கு,கன்னடம், மலையாளம், பெங்காலி மற்றும் ஹிந்தி மொழிகளில் இதுவரை சுமார் 30 க்கும் அதிகமான படங்களில் நடித்திருக்கிறார்.

34 வயதான சமீரா அழகான ஆண் குழந்தையை நேற்று மருத்துவமனையில் பெற்றெடுத்தார், தாயும் சேயும் நலமாக இருப்பதாக மருத்துவமனை வட்டாரங்கள் தெரிவிக்கின்றன.

சமீரா இப்போ ஹேப்பி அண்ணாச்சி...