பிகினி போட்டோ கேட்ட ரசிகர்.. வீடியோ மூலம் பதிலடி கொடுத்த ஷெரின்!

நடிகை ஷெரின்

நடிகை ஷெரின் தனுஷின் முதல் படத்திலேயே அவருடன் ஜோடி சேர்ந்து நடித்தவர். இவர்கள் இருவரும் இந்தப் படத்தில் அறிமுகமாகினர். இந்தப் படம் சிறப்பான வரவேற்பை ரசிகர்களிடையே பெற்றது. தொடர்ந்து அதிகமான படங்களில் ஷெரின் ஒரு வலம் வருவார் என்று எதிர்பார்க்கப்பட்டது.

வில்லியாக நடித்து அதிரடி

தொடர்ந்து விசில் படத்தில் வில்லியாகவும் நடித்து அதிரடி கிளப்பினார் ஷெரின். அந்த காலக்கட்டத்திலேயே இமேஜ் பார்க்காமல் வில்லியாக நடித்தவர் இவர். இந்தப் படமும் சிறப்பாகவே இருந்தது. நடிப்பில் மிரட்டினார். ஆனாலும் இவருக்கு கோலிவுட்டில் அதிகமான பட வாய்ப்புகள் கிடைக்கவில்லை.

பிக்பாஸ் மூலம் ரீ-என்ட்ரி

தொடர்ந்து நடிப்பதில் இருந்து விலகிய ஷெரின் நீண்ட காலங்களுக்கு பிறகு கமல் தொகுத்து வழங்கிய பிக்பாஸ் நிகழ்ச்சி மூலம் ரீ என்ட்ரி கொடுத்தார். இந்த நிகழ்ச்சியில் இவருக்கு ஏராளமான ரசிகர்கள் கிடைத்தனர். நிகழ்ச்சியில் என்ட்ரி கொடுத்தபோது மிகவும் குண்டாக, ஷெரினா இவர் என்று கேட்கும்படியாக இருந்தார்.

உடல் எடையை குறைத்த ஷெரின்

தொடர்ந்து இந்த நிகழ்ச்சியில் பங்கேற்றுக் கொண்டே, தன்னுடைய உடல் எடையையும் கணிசமாக குறைத்தார். தொடர்ந்து நிகழ்ச்சியில் இருந்து வெளியேறிய பின்பும், உடலை குறைக்கும் முயற்சியில் ஈடுபட்டு அதில் வெற்றியும் கண்டார். தன்னுடைய உடலை சிறப்பாக குறைத்து ஸ்லிம் ஆனார்.

பிகினி புகைப்படம் கேட்ட ரசிகர்

தற்போது பழைய ஷெரினாக மாறியுள்ளார். தொடர்ந்து ரசிகர்களை கவரும் வகையில் சமூக வலைதளங்களில் கவர்ச்சி புகைப்படங்களை வெளியிட்டு வருகிறார். இவை அனைத்தும் ரசிகர்களை வெகுவாக கவர்ந்து வருகிறது. இந்நிலையில் ஷெரினின் இன்ஸ்டாகிராம் பக்கத்தில் ரசிகர் ஒருவர் அவரது பிகினி புகைப்படத்தை கேட்டு கமெண்ட் செய்திருந்தார்.

ரசிகர்கள் பாராட்டு

இதற்கு பதிலடி கொடுக்கும் வகையில் வீடியோ ஒன்றை ஷெரின் வெளியிட்டுள்ளார். அந்த வீடியோவில் கருப்பு நிற மேலாடையை போட்டுக் கொண்டுவரும் ஷெரின், அதை கழட்டி வீசுகிறார். பிகினியில்தான் வருகிறாரோ என்று அனைவரும் எதிர்பார்க்கும்போது, உள்ளே அவர் போட்டிருக்கும் சர்ட்டில் பிகினியின் புகைப்படம் காணப்படுகிறது.