ஸ்ரேயாவுக்கு டும் டும் டும்... மாப்பிள்ளை யார் தெரியுமா?

ஸ்ரேயா சரண்

2001-ம் ஆண்டு வெளிவந்த 'இஷ்டம்' தெலுங்குப் படம் மூலம் நாயகியாக அறிமுகமானவர் ஸ்ரேயா. ரஜினிகாந்த் ஜோடியாக ஸ்ரேயா நடித்து 2007-ல் வெளிவந்த 'சிவாஜி' படம் நல்ல வெற்றி பெற்றதால் டாப் நடிகையாக வருவார் என எதிர்பார்க்கப்பட்டார்.

அரவிந்த்சாமி ஜோடியாக

ஸ்ரேயா நடித்து பின்னர் வெளிவந்த சில படங்கள் வெற்றிப் படங்களாக அமையவில்லை. இதனால் தமிழ்ப் படங்களில் அவர் நடிப்பது மிகவும் குறைந்தது. தெலுங்கில் 'காயத்ரி' எனும் படத்தைத் தயாரித்து நடித்தார். தமிழில் அரவிந்த்சாமி ஜோடியாக கார்த்திக் நரேன் இயக்கத்தில் நடித்துள்ள 'நரகாசூரன்' படமும் வெளிவர உள்ளது.

மார்ச் மாதம் திருமணம்

இதற்கிடையே, ஸ்ரேயாவுக்கும் அவருடைய ரஷ்ய காதலருக்கும் மார்ச் மாதம் திருமணம் நடைபெற உள்ளதாக தெலுங்கு திரையுலக வட்டாரத்தில் தகவல் பரவியது. ஆனால், தனக்கு தற்போது திருமணம் இல்லை என மறுத்துவந்தார் ஸ்ரேயா.

மாப்பிள்ளை

இந்த நிலையில், நடிகை ஸ்ரேயாவின் திருமணம் உறுதியாகி இருக்கிறது. அவர் ரஷ்ய விளையாட்டு வீரரும் தொழிலதிபருமான ஆண்ட்ரே கோஷ்சீவ் (Andrei Koscheev) என்பவரைக் காதலித்து வந்தார். இவர்களின் திருமணம் மார்ச் மாதம் 17, 18, 19 என மூன்று நாட்கள் உதயபூரில் நடக்கவிருக்கிறது.

35 வயது

திருமணத்திற்கான பணிகள் முழுவீச்சில் நடைபெற்று வருகின்றனவாம். ஸ்ரேயா தனது நெருங்கிய நண்பர்களையும், திரையுலகினரையும் மட்டுமே திருமணத்திற்கு அழைக்கவிருக்கிறாராம். 35 வயதாகும் ஸ்ரேயா 17 வருடங்களாக திரையுலகில் இருக்கிறார் என்பது குறிப்பிடத்தக்கது.