வந்தது "மணப்பெண்" களை... பட்டுச் சேலையில் ஜொலித்த ஸ்ருதி....!

அழகான பட்டுப் புடவையில் அப்படியே அம்சமாய் ஜொலித்தார் ஸ்ருதி ஹாசன். மகளை சேலையில் பார்த்தாலோ என்னவோ தந்தை கமல்ஹாசனின் முகத்திலும் கூடுதல் பூரிப்பு + புன்னகை.

ஹைதரபாபாத்தில் நடந்த உத்தமவில்லன் ஆடியோ வெளியீட்டு விழாவில்தான் இந்த சுவாரஸ்ய காட்சி.

அரை குறை உடைகள், மாடர்ன் உடைகளிலேயே பார்த்துப் பழகிப் போன கண்களுக்கு ஸ்ருதி பட்டுச் சேலையில் அமெரிக்கையாக காட்சி அளித்தது வியப்பில் ஆழத்தி விட்டது.. அடடா, நம்ம ஸ்ருதியா இது என்று தங்களைத் தாங்களே கிள்ளிப் பார்த்துக் கொண்டனர் பலரும்.

கெளரங் ஷா பட்டுச் சேலையில் பார்த்தவர்கள் குஷி அடையும் வகையில் தேவதை போல வந்திருந்தார் ஸ்ருதி ஹாசன். அவரை சேலையில் பார்த்த பலருக்கும், ஓகே, பொண்ணுக்கு மணப்பெண் களை வந்து விட்டது.. இனி அப்பா கமல் மாப்பிள்ளை தேட வேண்டியதுதான் என்று சிரித்துக் கொண்டனர்.

நிகழ்ச்சிக்கு வந்திருந்த கமல்ஹாசனும், ஸ்ருதியை சேலையில் பார்த்த சந்தோஷத்திலோ என்னவோ கூடுதல் பூரிப்புடன் காணப்பட்டார்.. அவர் மட்டும் என்னவாம்... அழகான சில்வர் கிரே கலர் சூட்டிலும், அதற்கேற்ற கருப்பு நிற கோட்டிலும் வழக்கம் போல டிரஸ்ஸிங் சென்ஸில் பட்டையைக் கிளப்பியிருந்தார்.